Quattro's Kitchen (已搬遷) 新店位置

见今日要过港岛东番工，开头想到太安楼食嘢。但今日天气实在热，一入到太安楼后，尤如火炉盘，热不停出汗，见到美食都没有胃口。既然太安楼（西湾河）下一站系太古，咁就去太古食嘢啦。顺便行下aeon消暑。落到太古aeon后，去到food court见到太多人揾位同用膳。咁就行外边睇睇啦，想唔到都揾到餐厅食Tea。见到门面，觉得餐厅都比较华丽，再看看餐牌，价钱都不相宜，或许餐厅在太古呢啲高尚住宅区啦，订价可能会比较高。不过午餐又未食，2餐当1餐啦。咁拣咗鲜虾野菌天使面配忌廉汁。朋友就拣咗吉烈猪扒配蕃茄汤意大利粉。饮品就Zero热柠水。先到台嘅系鲜虾野菌天使面配忌廉汁。想唔到咁好味㖞，忌廉汁够浓，鲜虾够弹牙。不过天使面份量比较细，大食嘅嘢一定唔觉饱。再嚟嘅就系吉烈猪扒配蕃茄汤意大利粉，想唔到亦一样咁好味，吉烈猪扒炸得十分香脆，口感很好。沙律酱亦好味，不同一般的沙律酱。但意大利粉汤就不够浓郁，份量亦细。如果住在太古的居民，相信吸引到佢哋到该店享用各餐。餐厅嘅职员亦友善，服务周到。