影片
更多
2025-02-18
242 浏览
香港，而家有梅酒主题嘅酒吧了。The CHOYA Ginza BAR呢间系日本嚟嘅过江龙，喺铜锣湾利舞台开咗梅酒专门店。我对梅酒嘅认识有限，不过都知道梅酒比其他酒类更千变万化。可以就咁Age，亦可以沟绿茶威士忌白兰地，亦可以加好多古怪嘢落去。梅酒本身甜酸兼备，冷热皆宜，本来已经系男女都会钟意饮，好易入口，但喺Choya度饮仲有个好处，价钱非常合理(甚至系平)…品鉴套装The Choya Flight $128一套五杯，视觉上够晒气势嘅set装，原来只系卖$128，实在太夸张，呢个价钱出去饮一杯酒就差唔多。五杯梅酒入边，包括有age 1年、3年、白兰地、新鲜水果同绿茶版本。每一种都有佢嘅特色。例如三年期嘅木桶味比较重，绿茶蛋好明显就着重喺香气上。双气 $88外表似系汽水，实际上亦非常可口。大致上系梅酒加tonic同糖浆造成。未试过梅酒嘅话，佢系入门又爽口嘅选择，最重要系解渴！金穗 $88用上乳酪制造，充满芝士香味，用上木盒底子，优雅无比。梅烟香 $108呢度嘅隐藏秘技。梅酒注入大量smoke再加上雪梨酒混合而成。可以想像无论香气同入口都系相当重身。特别系香气越摆越有，相当高级。虽然呢度梅
The CHOYA Ginza BAR
呢间系日本嚟嘅过江龙，喺铜锣湾利舞台开咗梅酒专门店。我对梅酒嘅认识有限，不过都知道梅酒比其他酒类更千变万化。可以就咁Age，亦可以沟绿茶威士忌白兰地，亦可以加好多古怪嘢落去。
梅酒本身甜酸兼备，冷热皆宜，本来已经系男女都会钟意饮，好易入口，但喺Choya度饮仲有个好处，价钱非常合理(甚至系平)…
品鉴套装The Choya Flight $128
一套五杯，视觉上够晒气势嘅set装，原来只系卖$128，实在太夸张，呢个价钱出去饮一杯酒就差唔多。五杯梅酒入边，包括有age 1年、3年、白兰地、新鲜水果同绿茶版本。每一种都有佢嘅特色。例如三年期嘅木桶味比较重，绿茶蛋好明显就着重喺香气上。
双气 $88
外表似系汽水，实际上亦非常可口。大致上系梅酒加tonic同糖浆造成。未试过梅酒嘅话，佢系入门又爽口嘅选择，最重要系解渴！
金穗 $88
用上乳酪制造，充满芝士香味，用上木盒底子，优雅无比。
梅烟香 $108
呢度嘅隐藏秘技。梅酒注入大量smoke再加上雪梨酒混合而成。可以想像无论香气同入口都系相当重身。特别系香气越摆越有，相当高级。
虽然呢度梅酒好出色，不过…原来呢度嘅嘢食先系杀著。同好多酒吧唔同，呢度嘅热食真系有餐厅水平。最重要系佢嘅价钱冇因为酒吧而故意上调，就算就咁食嘢都唔会觉得肉赤。
我特别欣赏佢嘅”烧肉配薯条”，佢嘅烧肉系带有超级脆皮，食落非常香口够味。另外一个印象深刻嘅系”辣肉丸”，份量多，够味，衬甜甜嘅梅酒亦非常好。另外佢嘅薯仔牛肉粒，牛肉非常嫩口，直程可以同中菜厅相提并论。至于”日式脆饼配梅子奶油乳酪，就酸酸甜甜，做甜品都得。
呢度有房间位、酒吧位，亦有普通餐厅位，适合唔同需要嘅客人。个人认为，佢嘅梅酒的确好饮又抵买。而家嚟帮衬，仲可以以难以置信嘅半价价钱外卖佢嘅梅酒。举个例，一支1 year梅酒，720ml，只需$69，实在太夸张。
张贴
