影片
更多
2019-05-22
2856 浏览
「Jashan Celebrating Indian Cuisine 」晌中环屹立咗好多年，因为回顾番，约5年前都曾经同一班朋友嚟食过晚饭，睇番𠮶次食评，总结喺食得尽兴嘅一个夜晚。咁多种外国菜系，印度菜喺小弟其中一种喜爱嘅菜系，因为既有特色，又有个性。读港大嘅表姨甥女考完晒试，就专登约佢过嚟中环食晏，众所周知，中环食晏周围都多人都不得了，拣「Jashan」就贪其位处荷里活道一带，揾食嘅人相对少啲，可以慢慢坐，慢慢倾。晚市就散点菜式，而午市就以自助形式，供应时间为12:00pm-2:30pm，每位$138 + 10%，包一杯标准餐饮。其实，上到荷里活道一带嘅餐厅，收费都喺咁上下。餐厅占二楼全层，一出电梯门就喺餐厅。跟上次嚟环境有啲唔同，依家墙身喺以白色加碎花为主调，衬以深啡色梳化椅或木椅，挂有唔少现代派啲油画，装修较时尚摩登。最正喺安排坐晌近窗嘅卡位，既宽敞阔落，又放咗唔少咕，份外舒服。目测所见，有唔少乡里帮衬，坐多阵已全场满座，非常热闹，可见佢哋嘅印度菜水准应该唔差得去边。Mango Lassi外面天气开始变得炎热，所以，既然餐饮有得拣甚有地道特色嘅Mango Lassi（芒果酸奶）
晚市就散点菜式，而午市就以自助形式，供应时间为12:00pm-2:30pm，每位$138 + 10%，包一杯标准餐饮。其实，上到荷里活道一带嘅餐厅，收费都喺咁上下。
餐厅占二楼全层，一出电梯门就喺餐厅。跟上次嚟环境有啲唔同，依家墙身喺以白色加碎花为主调，衬以深啡色梳化椅或木椅，挂有唔少现代派啲油画，装修较时尚摩登。
最正喺安排坐晌近窗嘅卡位，既宽敞阔落，又放咗唔少咕，份外舒服。目测所见，有唔少乡里帮衬，坐多阵已全场满座，非常热闹，可见佢哋嘅印度菜水准应该唔差得去边。
Mango Lassi外面天气开始变得炎热，所以，既然餐饮有得拣甚有地道特色嘅Mango Lassi（芒果酸奶），当然喺拣佢啦。大大杯嘅芒果酸奶，以鲜芒果肉跟乳酪打成，入口有阵阵醒胃嘅乳酪酸香，又渗出浓郁而清甜嘅芒果味，口感丰厚「凉枕枕」，爽呀。
Mango Lassi
110 浏览
0 赞好
0 留言
第2张长枱要介绍嘅，喺比较主菜类嘅食物，计有Keema matar（免治肉青豆）、Butter Chicken（印式牛油鸡）、Kadhai Paneer（辣印式芝士）、Corn Palak（粟米菠菜蓉）、Aloo Beans Masala（薯仔青豆马沙拉）、Dal Tadka（扁豆咖喱）、Pulao Rice（印度炒饭）及Basmati Rice（印度皇饭）。
最后到枱所摆放嘅喺少少新鲜生果及印度甜品，老实讲，印度甜品偏甜，口感亦怪怪，未必人人接受到。
薯仔班戟饼未食自助餐食物前，侍应会先每枱客送上薯仔班戟饼，正名我就无问过，但见晌食物区有大厨即煎即送上俾客人。
每份班戟饼都伴上印式蕃茄酱及印式椰子酱，班戟外皮带点脆口，里面喺软绵绵，添上少少酱汁，令味道变得丰富啲。
印度烤饼除上述嘅班戟饼，仲会每枱自动送上一篮印度烤饼，唔使多介绍，大家都知道喺一阵用嚟蘸咖喱食啦。而烤饼口感烟韧，沾过咖喱，或配上豆蓉，就特别好食。
沙律、前菜其实，计及以上两样咁淀粉质嘅嘢，都有一定嘅饱肚，所以，前后攞咗两碟食物嚟试试，已经好足够。第一碟就大多数喺啲沙律、前菜类，样样执啲，杂菜盘啲甘笋比较硬，而杂豆盘有啲咸，其他嘅就好唔错，最喜欢个乳酪酱，令人感觉好清爽，尤其依家啲闷热天气。
主食第二碟一睇就知喺以肉类主食居多，啲印式烤鸡、牛油鸡、粟米菠菜蓉好好食，甚具特色，配合埋啲印式烤饼，越食越滋味。
生果、甜点生果就唔点讲啦，都喺正正常常大路嘅新鲜水果，碟边啡红色嘅叫Gulab Jamun（蜜汁圆球），偏甜嘅就肯定啦，但口感软软腍腍，都唔错；不过，小橙色兜仔𠮶样嘢就真喺唔多啱口味，似似哋一件松糕吸满糖水咁。
离开时，先留意到近电梯嘅一面墙挂咗唔少奖状，原来餐厅获得唔少奖项，好似Master Chef、旅发局嘅优质服务奖……等等。
仲有，不妨食粒薄荷糖清清口腔中嘅香料味先离开！晌边度拎？就晌电梯旁嘅柜枱。
虽然话喺自助餐，但当然唔可以跟我哋平时晌酒店𠮶啲嚟比，但叫做多种印度菜式都能够一次过试到，加上环境舒服，招呼又好，想轻轻松松食餐有特色嘅午餐，「Jashan」都喺一个唔错嘅选择。
张贴
