興記菜館

营业中

休息中

今日因为要赶D资料比个客，迟左落班，费事屋企人等我就打算自己落班去街行揾食啦。行到街闻到一阵煲仔饭嘅味，就淋起兴记煲仔饭，好耐未食过了，叫个朋友出来一齐食啦。嚟呢度当然要点佢地嘅煲仔饭啦，我比较中意呢个腊肠滑鸡煲仔饭，做得比较正宗，双拼可以食到两种口味，滑鸡做得比较好，蒸得刚刚够时间，好滑，腊肠我都好中意，瘦肉多肥肉少，煲仔饭当然要食埋个底，呢个先系精货，做得好香脆。炒花甲就感觉一般，无咩特别，但都不过不失，味道还可以，中意食海鲜嘅朋友仔可以试。椒盐濑尿虾，做得都算唔错，蒜头炸得好香，味道都几好，不过分量唔大。煎蚝饼嚟到就一定要试，料足，好多蚝肉，又新鲜，煎得又香口，调味又适合，总之就系好好食啦。