大快活 (已搬遷) 新店位置

今日晨早行过呢间大快活，有啲肚饿亦好耐冇帮衬呢间店，就入去食过早餐，要咗个香嫩炒滑蛋早餐，成个餐入面有： 多士：系厚身白面包，烘得唔够上色，所以唔脆但又唔松软！牛油好大朕牛膻味，好难食，唔搽好过！ 炒蛋：只蛋颇细只但系都算嫩滑，蛋汁满溢不过冇乜蛋味！ 火腿通粉：火腿丝味道冇晒，有坑纹嘅通粉尚算弹牙，可惜淡而无味，汤底亦好普通！ 热鸳鸯：茶味啡味都尚可，沟得唔错几滑，可以啦！冇过大期望，所以唔会失望，几时再去食就要随缘嘞！