大快活 (已搬遷) 新店位置

本人今天中午叫了這個焗豬扒飯，先說賣相，勉強還可以看得吓，但是當用义拮起那塊豬扒時，以為自己睇錯薄到唔薄，跟著食飯時又發覺飯冇汁之餘而且又硬，當食到豬扒時，以為薄應該很稔，點知又乾又鞋，早知如此，應該嗌一杯飲品，不用那麼辛苦

我還是許久沒到 ＂大快活＂快餐店用餐了的，今來到了馬安山广場，此商場己店鋪凡凡多了呀！食肆頻多了的！我還是選擇了＂大快活＂此連鎖店呀！來了份＂臘腸麺醬腩煲飯＂，再加上碟唐生菜，此回共才消費了共56大圓的！😀此褒仔飯確實煮成是極品的呀！👍👍👍👌✌️️粒粒飯粒可真像是只只的小螞蟻成群的呀！還像晶瑩剔透般似的呀！👍👍😀😀😀香甜可口的！臘腸味道同是甜香兼可口的呀！可惜的是，那腩肉的確是肥肉多了些的囉！☺️️可更樂的是，我加上了碟唐生菜的呀！👍👍👍👍😄此菜是沒油的，連褒仔飯同享，應就是健康的飲食了呀！👍👍👍👍👍😀😀😀😀👌✌️️

前日係馬鞍山見完客，我就去左大快活high 個tea,茶餐都有好多款，我就揀左份熱狗餐配熱奶茶$21,熱狗沙律醬都幾多，腸唔係好大條但都幾有肉味，麵包烘過好香口，加D生菜確實幾好食，抵讚

$52晚餐，加$6意粉，全場送紅豆冰一杯晚市由侍應送餐，十分有禮貌，值得一讚牛排不過不失，腸仔都幾好味意粉太少，叫左加大意粉但都冇加晚餐太多人客，等位等好耐整體可以接受

兩個人唔係太餓，又想食少少野，坐一陣，平平地，就黎食大快活，經濟實惠。叫左個set 係有飯有烏冬，個咖喱同豬扒唔錯喎，係日式咖喱，甜甜地又唔會太辣，岩曬怕辣既我。吉列豬扒炸得香口，但又唔會太油膩，又唔會太乾。不過碗烏冬就麻麻地，勁大舊蘿白，仲要墊左響碗底。。。但個烏冬既麵質係ok既，唔會太淋，當然又唔會真係日式稻庭烏冬既口感啦。如果個咖喱汁撈烏冬都唔錯喎。

今日要返早，所以買定早餐返公司食我去左馬鞍山廣場嘅大快活，早餐有至愛嘅火腿通心粉，火腿切絲，豬肉味濃，再配以爽滑通心粉，好正;仲有蘿蔔糕，煎得剛好，唔會燶，好香蘿蔔絲味;還有煎雙蛋，蛋槳香濃，香氣四溢，再配以香滑奶茶，啖啖奶香，讚

下星期二十二日係冬至，但我地一家人就提前喺噚日做節，為左怕外出多人，我地就係大快活叫左個盤菜慢慢食，睇上黎好似好豐富，但實則無也野好食。裡面有雞，切得好碎，又無乜肉;主角鮑魚，真係细到同個伍毫差吴多且食落有D腥;其他仲有多五花腩，尚算炆得香;仲有就大部份都係蘿蔔，有揸，少少豬皮，且毛好多，又唔爽，真係失望，有好大進步空間。

話說我真無係馬鞍山廣場食過野，今次如果唔係新港城中心間ucc多人到爆，我地又趕住做野，我真係唔會嚟呢度食野。 我望勻個menu，好似呀活呢個咖喱飯唔錯，所以就點左呢個嚟食。因為我想食少少辣野開開個胃。其實個賣相係唔錯，個色澤都似係落過下咖喱粉同辣油，而且白飯也不忘放幾條豆同蕃茄伴碟。說回這個主菜咖喱雞，首先雞夠厚肉，這一點真的要讚，比茶餐廳好! 另外薯仔也頗大舊，唔似有啲餐廳連薯仔都慳。不過咖喱味道不濃，反而椰汁味比較搶，有點像吃葡汁，辣油也沒有帶出辣的感覺。咬下薯仔，原來不是放進咖喱裡煮的，可以說除了表層有咖喱汁外，內裡是 完全的白色，像白恰薯仔一樣...... 總括來說，不要希望自己能在大快活和大家樂這些連鎖店吃到好東西，或許會有驚喜。

Knowing this is a fast food restaurant, I wasn't having any expectations for it. I ordered the curry chicken rice and you could chose from spicy or non-spicy. I asked for it to be spicy so they added some Chinese-style XO sauce and spicy oil which was very disappointing. I noticed the curry had hints of peanuts as well so if you have any peanut allergies, its best to stay away from this dish. The curry came with potatoes and 4 big pieces of chicken which was more than enough. Although the curry

其實都係大快活食早餐都有2年但係係大圍火車站食開例牌都係食雞扒炒蛋加腿通今次因為趕時間所以先係學校附近食但估唔到同一間公司質素相差咁大講環境先，算靜，睇得出無咩人食，另一間馬鞍山既大快活裝修緊都可以唔旺都幾搞笑到食物，雞扒完全係用滾水煮熟之後係個面辣兩辣，是但個皮有啲濃濃地，啲肉頗鞋，個汁好似肉醬，同埋好咸之後啲通粉勁細粒，睇落勁少，仲有個多士啲邊硬到介得死人，叫左杯凍華田，明白要用熱水整溶啲粉，但都唔好少少冰都無😰提少少大圍分店既質素，雞扒皮脆肉嫩，通粉大大粒，多士可以連邊食點解同公司質素咁參差？

開頭都冇諗住食呢間, 但未到七點已經周圍坐滿人, 大部分都係啱啱坐低, 相信有排等, 所以周圍行睇下邊度有位食, 竟然發現呢度仲有位, 唔理佢有冇嘢啱食, 坐低先算~~睇咗一陣, 叫咗個煲仔飯同鐵板餐, 但等咗超過8分鐘先有得食, 真係即叫即煮 鐵板牛扒餐+大檸樂 俄羅斯什菜湯 : 味道ok, 唔算太濃, 都有d菜見到 鐵板牛扒餐 : 超薄的牛扒, 一d口感都冇, 又冇牛味 大檸樂 : 食扒餐配檸樂真係正 腊腸滑雞煲仔飯+中湯 海底椰合掌瓜豬展湯 : 佢話明唔加味精, 所以比出面街果d冇咁濃, 淡咗少少, 但咁都好, 叫做冇味精, 有益d 腊腸滑雞煲仔飯 : 煲仔飯d飯焦啱啱好, 唔會焦到變黑, 仲係金黃色, 但可惜d飯係冇飯香味, 又冇腊腸油味, 可能唔係一齊煮, 而係飯有飯煮, 到你order時先將d餸再放埋一齊焗一焗, 所以冇乜味

星期六, 太太留在家看BB, 而我就一早出來馬鞍山, 到銀行辦點小事, 同買外賣早餐回家給各位老人家及太太享用. 而我的早餐, 不想麻煩找了. 反正要到超級市場, 就選擇係旁邊的大快活, 以快餐形式, 搞拈佢.現在的快餐店, 也學茶餐廳一樣, 把公仔麵早餐也帶來了. 我叫的餐肉公仔麵加奶茶, 在茶餐廳, 也能享用得上. 埋去counter取食物.因為是蓋著的, 拿到去座位, 打開一看, 那個公仔麵. 湯底極清, 而麵....仲係成餅正方形的. 我即時起疑問....餅麵有冇煮過架.....一看就知是浸熟的一餅麵, 感覺是超力伊麵的東西. 湯, 就是清水加湯粉, 攪都冇攪下. 食落, 帶少少硬, 更加的證明, 呢碗麵, 係冇煲過架. 食麵, 係要經過沸水, 再用高溫煮上至少一分鐘...這樣才對. 幸好, 雞扒仔同塊午餐肉係熱既同熟既.....不多評味道了. 總之個麵係冇煲過啦..........

今日午飯去了就近的一間大快活，當時未到一時正，仍有大量座位，所以我們不用等位。望望餐牌，竟然沒有學生餐！在上水的大快活都有學生餐，不單比較平直而且送飲料，如此一來我這餐貴了很多。雖然今次學生可多送一杯飲料，但我始終比較喜歡少付一點。我點了沙薑雞，$32，有半隻雞，一碗白飯配中國茶。雞腿肉好滑，胸肉也不算鞋，就算不沾沙薑汁也有味，但不會太鹹。白飯是香軟的，沒有之前吃過的爛飯。朋友點了厚切吉列黑豚扖大碗飯，約$30，配的是咖哩汁。她表示好味，飯量真的的很多，兩個點了這個的朋友都食剩了很多飯。還有好似叫魚腐雞翼米線，約$29，雞翼是預先炸好的，不值這個價錢。當我們坐定定食飯時，餐廳已經擠得水泄不通！

今日晨早行過呢間大快活，有啲肚餓亦好耐冇幫襯呢間店，就入去食過早餐，要咗個香嫩炒滑蛋早餐，成個餐入面有： 多士：係厚身白麵包，烘得唔夠上色，所以唔脆但又唔鬆軟！牛油好大朕牛羶味，好難食，唔搽好過！ 炒蛋：隻蛋頗細隻但係都算嫩滑，蛋汁滿溢不過冇乜蛋味！ 火腿通粉：火腿絲味道冇晒，有坑紋嘅通粉尚算彈牙，可惜淡而無味，湯底亦好普通！ 熱鴛鴦：茶味啡味都尚可，溝得唔錯幾滑，可以啦！冇過大期望，所以唔會失望，幾時再去食就要隨緣嘞！

前幾日入黎MOS買書超想食fairwood既tea就黎呢度食(雖然都唔近=.=)都係要返豬仔包~配煉奶+花生醬~包野飲$16還可以啦~個包即烘 夠熱要求呀姐比多個煉奶又爽快答應...