影片
更多
2019-09-03
635 浏览
之前食过渣哥嘅高质碗仔翅后，一直打算试埋其他小食。今日终于一次过试咗咖哩鱼蛋、鱼肉烧卖、豉油皇炒面喇！鱼蛋烧卖算系香港最普遍、最悠久嘅街头小食，需求量高，有人hea做，有人用心制作，渣哥绝对系后者！靓嘅鱼肉烧卖，应该用真正鱼肉做，唔加太多粉（最好唔加粉），食落有鱼香，蒸熟后唔会发大，冻咗又唔会回缩，用全人手做，粒粒都唔会太靓仔，各有特色，方为靓货。但……呢种靓鱼肉烧卖几乎绝迹，市面上大多系面粉烧卖。难得渣哥仍然坚持用靓货，令我哋可以食返儿时味道 （超感动😭），配以头抽提鲜，倍添风味！咖哩鱼蛋，好多人以为只要个咖哩汁掂就得，其实酱汁只系提味，主角始终系鱼蛋本身。渣哥啲鱼蛋有鱼味，细细粒，质感结实弹牙。辣咖哩汁辣度足，香料味浓，味道层次丰富。鱼蛋同咖哩汁完全融合，咖哩辣味全部响鱼蛋入面，非常入味！豉油皇炒面，面条炒得干身唔油腻，配料只有椰菜，椰菜嘅甜味同豉油汁味道好夹。酱汁微甜，好开胃。份量以早餐嚟讲，系刚刚好。早餐送热饮，$18 有炒面＋热饮，价钱分量相当佛心。热饮咖啡比便利店仲差啲。建议加多$10-$15 改为樽装冻饮，款式较多。如果想一次过食齐鱼蛋、烧卖、炒面 ＋热饮，可以叫豉油皇炒
鱼蛋烧卖算系香港最普遍、最悠久嘅街头小食，需求量高，有人hea做，有人用心制作，渣哥绝对系后者！
靓嘅鱼肉烧卖，应该用真正鱼肉做，唔加太多粉（最好唔加粉），食落有鱼香，蒸熟后唔会发大，冻咗又唔会回缩，用全人手做，粒粒都唔会太靓仔，各有特色，方为靓货。但……呢种靓鱼肉烧卖几乎绝迹，市面上大多系面粉烧卖。难得渣哥仍然坚持用靓货，令我哋可以食返儿时味道 （超感动😭），配以头抽提鲜，倍添风味！
咖哩鱼蛋，好多人以为只要个咖哩汁掂就得，其实酱汁只系提味，主角始终系鱼蛋本身。渣哥啲鱼蛋有鱼味，细细粒，质感结实弹牙。辣咖哩汁辣度足，香料味浓，味道层次丰富。鱼蛋同咖哩汁完全融合，咖哩辣味全部响鱼蛋入面，非常入味！
豉油皇炒面，面条炒得干身唔油腻，配料只有椰菜，椰菜嘅甜味同豉油汁味道好夹。酱汁微甜，好开胃。份量以早餐嚟讲，系刚刚好。
早餐送热饮，$18 有炒面＋热饮，价钱分量相当佛心。热饮咖啡比便利店仲差啲。建议加多$10-$15 改为樽装冻饮，款式较多。
如果想一次过食齐鱼蛋、烧卖、炒面 ＋热饮，可以叫豉油皇炒面餐 $26。一次满足多个愿望
鱼肉烧卖
$15
57 浏览
1 赞好
0 留言
60 浏览
0 赞好
0 留言
E 豉油皇炒面餐
$26
53 浏览
0 赞好
0 留言
张贴
