RuRu Tapas Restaurant (已結業)

一直都想食西班牙蛋饼，同事极力推介之下，放假专登过嚟试下。间餐厅梳化坐得舒服，全部嘢都即叫即整。芝士拼盘有三款芝士配脆口法包，面包有橄榄油，要尽快食，芝士份量多，三款芝士有淡味同浓味。西班牙蛋饼钟意食蛋嘅必点！！外表比一般蛋饼细，估唔到佢细细份，两个人食完劲饱肚。𠮶蛋饼放咗一阵冻咗，净系食到个边边位香脆，少咗蛋香味。还好用料足，面头铺满火腿，几乎啖啖都有料，有薯仔辣肉肠，食咗好满足。杂菌意粉呢道菜不过不失，菇嘅份量唔少，酱汁浓好creamy，味道正常偏淡。