道

营业中

休息中

进餐当日遇上红雨，但系排队嘅人龙都冇减少，食完就明白点解！当日分别试咗鸡白汤拉面、塩鸡清汤拉面，同埋唐扬炸鸡，两个人食好够饱😋😋😋鸡白汤经过多个小时嘅熬制，整个汤都系奶白色，饮落好有奶香味，面底都好有咬口。如果食到一半觉得有啲油腻，可以加翻啲柚子皮落去，唔单止中和到油腻嘅感觉，更加可以令到个汤变得更加有层次，令我想饮晒成碗汤😆😆😆塩鸡清汤饮落好清甜，但系完全唔会有好腥嘅鸡味，每一啖饮落口都好舒服。而个面底同鸡白汤系唔同，系比较滑身嘅一款，再加埋有啲烟熏味嘅鸡肉叉烧，汤、面、肉，三样嘢食落去感觉好配合，推介！👍🏻另外值得一提嘅系，虽然师傅们都好忙，但系佢哋都会好用心咁同客人介绍佢哋推荐嘅食法，同埋烹煮嘅过程，亦会同客人倾计了解吓食客嘅感受，系一间好用心嘅小店！