永年士多 (香港逸東酒店)

营业中

休息中

原来而家永年开到去佐敦，呢间铺入面好多打卡位，有车仔面档仲有港式邮筒，还原香港独有的风味! 见到唔少食客都系打卡位到影相。而家可以QR code落单，就算比现金都可以落单后去柜台比钱，都几方便。三𩠌捞面 叫左猪肠, 萝卜同埋牛腩。牛腩好软淋，炆到好入味。萝卜无渣够清甜。猪肠爽口冇异味。捞面叫左微咖哩辣加埋猪肠汁，几惹味。另外，食永年一定要食经典既车仔面，即系三𩠌汤面。配料叫左鱼蛋, 红肠同埋鱿鱼。鱼蛋弹牙新鲜，鱿鱼份量都好多。个汤简左微咖哩辣，唔会死咸，咖哩汤汁同粗面都好夹，好食! 唔觉唔觉饮左大半碗汤，但都唔会好口干。小食叫麻辣猪耳，原来可以简辣度，岩晒想食辣又唔太食得辣既我。猪耳十分爽口，酱汁惹味。菜类选择多，我地简左腐乳通菜!樽仔奶茶都系必饮既之选，奶味好重，饮落口好顺滑。