坤記士多

营业中

休息中

是日，终于要去讲左好耐，但都未去到既蒲台岛。蒲台岛系香港既最南端，感觉去到天涯海角咁。因为去蒲台岛的船，班次极少！！星期六上午，就只有一班十点既船，系香港仔码头出发，miss左就去唔到架喇！亦因为咁，蒲台岛保留左佢未开发，最原始大自然的美。神早流流搭船去蒲台岛，落船已经十一点几，又未食早餐，梗系要整番碗蒲台岛名物--紫菜餐肉蛋一丁！蒲台岛上有好几间卖一丁既铺头，我地拣左无咩人既坤记。(与此坤记同名，因为没有开openrice，故打在此，我去的坤记在码头左边，近天后庙）味道系正常既出前一丁，面煮至半生熟，不会太腍，而名物紫菜果然好味，爽口无沙，可惜成碗得一小撮，不过因为黎到荒郊，一碗热腾腾既一丁已经满足左我个胃，难得黎到，不防试一试，价钱亦亲民，外面茶餐厅可能更贵。临走前买了一包紫菜当手信，回家煮一丁。