Baked (已搬遷) 新店位置

来过Baked不下10次，全因佢嘅sourdough，的确系我食过最好食嘅sourdough。即使佢价钱的确唔friendly，但我依然每个月都会黎食comfort food。Baked真系小店，而且坐得好逼，店员送餐时成日喺身后擦身而过。➡️OMG第一次食嘅时候真系有种oh my god的感觉，作为一个菇控，真系好兴奋。满满嘅芝士菇汁沾满大啡菇，里面仲有一只poached egg。呢块sourdough犀利嘅地方，系就算有满满嘅汁，都唔会变淋，极有咬口，酱汁唔会影响酸种包嘅质感，依然好有麦香，crust非常脆，但唔会过硬。➡️Live your Best Life主角一定系风干牛，另外有两只poached eggs，淋上自制嘅荷兰酱，牛嘅味道比较抢。但呢个嘅汁比较少，比较可以食到酸种包嘅香气。