文記車仔麵 (福榮街)

营业中

休息中

J.World.Food 呈献 - 环球美食小知识: 点解车仔面冇车仔?其实，本来系有车仔㗎。等我哋坐时光机，返到1950年嘅香港，𠮶阵生活差得多，D人租唔起铺，但又要揾食，有D人就谂倒用木头，砌成一架车 (似今日路边D粟子小车子)，周围R生意，商家就喺架车卖面，1架车3个锅，分别装面丶𩠌丶同埋汤，客人就自由拣面丶𩠌丶同埋汤。慢慢咁卖到成行成市，卫生情况差咗，英国政府就立法禁止D人喺路边摆摊，时至今日，大家唔使咁辛苦喺路边食面，可以舒适咁凉住冷气食面。 位于深水埗嘅文记车仔面，深水埗地铁站B2出口，直行到黄金电脑商场既十字路口，转右就见到，文记车仔面有3间分店。我嗌咗本店十大美食推介嘅瑞士鸡中翼 ($14)，同埋手打鱼肉 ($12)，米线 ($10)，瑞士汁，加蒽花。瑞士鸡中翼 ($14) 好入味，味道遍甜，鸡翼皮好滑。手打鱼肉 ($12)，感觉似切成丝既鲮鱼球。