影片
更多
2016-07-23
1827 浏览
"扫街"基本上系放假既指定动作, 不过香港特式既扫街地点已买少见少, 一唔系旺角果D做游客又劲贵.后尾发现屯门呢条街好多小食, 今晚经过就黎扫下. 由街头行到街尾先睇睇, 有炒野, 有糖水, 有台式, 真系五花百门. 宵夜唔好食咁饱, 见呢间好多人排队等, 原来系即渌云吞, 我又排埋一份.云吞大约等左5分钟就有, 即渌即食, 粒粒都涨卜卜, 大大粒. 先饮下D汤, 清清地唔会太咸, 仲加左D九黄.个馅好大只虾, 爽口兼弹牙, 加埋少少猪肉, 带有大地鱼既鲜味. 皮又够薄, 又滑溜, 但唔易穿. 仲有咖哩三宝, 有鱼旦, 猪皮, 萝卜. 鱼旦够弹, 唔会得一旧粉, 猪皮软腍度适中, 好爽. 而萝卜亦炆到够腍, 唔苦带清甜. 最重要就系个咖哩汁, 够浓够惹味得黎唔会太辣, D猪皮萝卜入晒味.
后尾发现屯门呢条街好多小食, 今晚经过就黎扫下. 由街头行到街尾先睇睇, 有炒野, 有糖水, 有台式, 真系五花百门. 宵夜唔好食咁饱, 见呢间好多人排队等, 原来系即渌云吞, 我又排埋一份.
云吞大约等左5分钟就有, 即渌即食, 粒粒都涨卜卜, 大大粒. 先饮下D汤, 清清地唔会太咸, 仲加左D九黄.
个馅好大只虾, 爽口兼弹牙, 加埋少少猪肉, 带有大地鱼既鲜味. 皮又够薄, 又滑溜, 但唔易穿.
仲有咖哩三宝, 有鱼旦, 猪皮, 萝卜. 鱼旦够弹, 唔会得一旧粉, 猪皮软腍度适中, 好爽. 而萝卜亦炆到够腍, 唔苦带清甜. 最重要就系个咖哩汁, 够浓够惹味得黎唔会太辣, D猪皮萝卜入晒味.
张贴
