水門雞飯 (蟾宮大廈)

营业中

休息中

之前喺元朗食过呢间水门鸡饭，但系元朗而家𠮶间冇咗。寻日喺铜锣湾见到有呢间水门鸡饭。就去咗呢度食个lunch. 店铺入面都系同其他水门鸡饭嘅舖头差唔多装修。入到去好似去咗泰国食水门鸡饭咁😆如果好耐冇去泰国嘅话，可以去呢度食嘢感受一下！我12点几去食，唔使排队入去就有位。但系到咗一点几嘅时候，见到出面已经排晒队。今次我叫咗水门鸡饭，转鸡髀肉。我个人钟意食鸡髀肉多啲。鸡肉同鸡皮都好滑。好好味！👍特别系个酱汁，加埋一齐食送饭，更加好味😋佢个饮品好大杯。我叫咗泰式奶茶，甜味适中。不过可惜呢度冇套餐。饮品要另外叫。感觉就冇咁抵食。水门鸡饭$54，泰式奶茶$22。如果佢有套餐，又或者下午茶餐咁就好啦！可以更加吸引多啲人去食。