SO Coffee & Gin

营业中

休息中

成日经过这间咖啡店，谂住放假试下个早餐，点知劲伏，写返篇警世避雷文。早餐只有四款，有素食有生酮。楼高两层，装修都骨子，不过次次行过都无咩人，终于知点解。用QR Code落单之后坐低等啦，店员冲完杯咖啡就行行企企，又同个fd倾偈，我以为后面有个厨房定焗紧啲野食，点知等到杯咖啡都未有得食。等到唔耐烦，仲见佢坐低玩手机，咁就行过去问佢我个早餐呢？重点系成间店得我一个客，咁都可以漏单？但又识得冲杯咖啡俾我？个咖啡明明仲系餐饮。扒地中海蔬菜青酱意式生酮包 HK$98问完佢先急急脚走去整，上来一望就觉得劲求其又干争争。又话又青酱又唔见，块包又硬又无味劲难食，咁都够胆死收我HK$98，无心机做就咪开早餐时段害人啦。