影片
更多
2016-05-05
10657 浏览
我好明白做左父母想安安乐乐坐系度食餐饭, 真系唔系咁易, 想系5星级酒店慢慢坐系度叹反个SUNDAY BRUNCH好似无乜可能? 哈~ 错啦!!!!!!!! 原来有间酒店明白到我地呢D父母既心声, 每个星期日都会推出SUNDAY BRUNCH, 岩晒一家大细一齐去, 因为BUFFET进行期间酒店会开放一间游戏室比小朋友玩乐, 入面有大大张豆豆SOFA仲有好多玩具、电子电脑比佢地玩, 最好系房入面有职员帮手照顾小朋友, 咁爸爸妈妈就可以舒舒服服坐系度放心食野啦 ^^首先介绍下有咩食先, 呢个SUNDAY BRUNCH算系半自助餐形式, 行贵精不贵多路线, 佢唔算好多选择, 但你想食到既野基本上都会有 (最可惜既系无刺身啰.....>.<), 头盘有多款不同HAM & CHEESE, HAM咸香味足够, 芝士好够RICH, 最钟意CREAM CHEESE, 好浓郁芝士香, 仲有几款沙律可供选择, 味道都OK但又唔算特别出色. 最开心系有即开生蚝....(爸爸妈妈们想回本主要睇你食到几多只啦~哈) 生蚝一啖一口, 够鲜味有淡淡咸味, 好好味!餐厅出名意大利菜, 即制PIZZA
哈~ 错啦!!!!!!!! 原来有间酒店明白到我地呢D父母既心声, 每个星期日都会推出SUNDAY BRUNCH, 岩晒一家大细一齐去, 因为BUFFET进行期间酒店会开放一间游戏室比小朋友玩乐, 入面有大大张豆豆SOFA仲有好多玩具、电子电脑比佢地玩, 最好系房入面有职员帮手照顾小朋友, 咁爸爸妈妈就可以舒舒服服坐系度放心食野啦 ^^
首先介绍下有咩食先, 呢个SUNDAY BRUNCH算系半自助餐形式, 行贵精不贵多路线, 佢唔算好多选择, 但你想食到既野基本上都会有 (最可惜既系无刺身啰.....>.<), 头盘有多款不同HAM & CHEESE, HAM咸香味足够, 芝士好够RICH, 最钟意CREAM CHEESE, 好浓郁芝士香, 仲有几款沙律可供选择, 味道都OK但又唔算特别出色.
最开心系有即开生蚝....(爸爸妈妈们想回本主要睇你食到几多只啦~哈) 生蚝一啖一口, 够鲜味有淡淡咸味, 好好味!
餐厅出名意大利菜, 即制PIZZA不得不试, SUNDAY BRUNCH会间中换唔同口味, 够薄够脆, 大人食3-4块都唔会觉得好溜, 我家小朋友自己一个都食左2块呢~哈!! PIZZA个边好脆口, 中间蕃膏都足够, 好味!
每枱每个大人都会有张号码飞仔, 拎住张飞仔, 可以去ORDER各款唔同既意粉, 厨师整完WAITER会亲自将热呼呼既意粉放到你面前, 意粉好有咬口, 最钟意肉酱意粉, 牛肉好多, 个汁好香好浓, 白汁忌廉意粉小朋友就最钟意, 够晒CREAMY同埋好浓芝士味, 好味啊!! 除左自己出去拎食物, 另外其实每位仲可以独立叫一个MAIN COURSE 及包一杯饮品。
食物暂时讲到呢度, 家长可能最关心小朋友玩乐部份, 首先我地食紧野既期间, 有个小丑哥哥亲切地过来我地张枱, 同d小朋友倾下计, 同埋楼汽气比小朋友玩, 枪、剑、盾牌、免仔、狗仔、飞机、卡通人物等等, 只要你讲得出口小丑哥哥都会尽量满足小朋友要求当日餐厅唔算好多小朋友, 小丑哥哥每人楼左2-3个汽球比佢地, 小朋友拎住d汽气周围玩, 超开心呢^^酒店有一间游戏室比小朋友系入面玩, 入房前记得先除鞋, 房内有好多张豆豆SOFA., 部份地下有软垫, 适合BABY们系地下趴趴趴. 如果妈妈们唔放心, 可以BOOK枱时叫餐厅尽量安排近游戏室既位置坐, 咁万一小朋友系入面打交都即时可以入面解围呢~哈哈哈
房内有好多不同玩具比小朋友玩, 仲有大量图画比小朋友填颜色, 房内有个职员姐姐系度帮手照顾小朋友, 如果好似我咁小朋友有反2岁以上, 家长们可以放心比小朋友自己玩, 自己出去叹下美食, 不知几爽 男孩子对电子玩具始终较大兴趣, 游戏室最受欢迎应该都呢几部电子电脑游戏, 小朋友玩乐时学习, 哈~又有机会游戏中学好英语啦
小朋友玩到攰终于记起自己肚饿, 自助餐永远最吸引小朋友都系甜品部, 生果不停供应, 好新鲜, 士多啤梨超甜
甜品蛋糕款式不多但都好精美, 而且味道唔太甜, 食多几件都唔溜
另一回本之作就系任食MOVENPICK雪糕啦, 有3款唔同口味, 最基本朱古力, 士多啤梨, 云妮拿, 名牌子雪糕一定好食, 唔止小朋友见到开心, 连我都食左3大杯啊 HAHAAAA
朱古力喷泉小朋友玩完一次又玩一次, 己经计唔到佢地食左几多枝士多啤梨朱古力啰~哈最后一提, 一间好既亲子餐厅, 一张好既HIGH CHAIR绝对不能少, 呢款HIGH CHAIR虽然普通, 但困得住我呢只小MONKEY我己经好满足, 小朋友坐好一于佢有佢食, 我有我食, 佢同佢D朋友仔倾下SUPER HERO, 我同朋友倾下SHOPPING, 爸爸同朋友倾下财经时事. SUNDAY BRUNCH由11AM食到3PM, 今个SUNDAY真系多RELAX... 多美好哦! ^^
题外话/补充资料：
信用咭有85拆
(以上食记乃用户个人意见 , 并不代表OpenRice之观点。)
张贴
