影片
更多
2022-09-30
125 浏览
《吉胜 吉列串扬专门店 – 大角咀》前两日收工约咗个前同事出嚟饮吓嘢倾偈，我呢个同事又系好钟意食日本嘢，但系我前几日先食完寿司又唔想次次都系食鱼生，想试吓其他嘢多啲🤔上网揾咗一阵，见到一间应该系食日本炸串嘅餐厅，以前去大阪嘅时候试过一次几特别，估唔到香港都有🤭唔使谂，即刻过去🥸当日去到都几多枱客，店舖嘅装修好有日本风，有一个日本太鼓可以俾人试玩😝但系劲多人喺度🤪我都唔好意思捣乱啦，由于唔太知道佢份量系几多，我同朋友点得太多嘢食😎最后饱到傻左💁🏻♀️金线鲷 刺身 $168朋友始终都系好想食刺身，问咗店员有咩介绍，佢哋话今日有金线鲷鱼，切嚟做刺身好鲜甜👍🏻由于价钱OK，所以我哋叫咗一份🐟师傅用火枪将个皮轻轻灸烧，食落油脂甘香，可以配搭柚子盐或者酸酸地嘅酱汁一齐食💁🏻♀️秋刀 刺身 $128秋刀鱼刺身真系第一次试，本来以为会好腥，点知唔会㖞，反而系佢嘅鱼油味好重，同埋条秋刀鱼都几肥下，食得出啖啖肉同埋有少少烟熏味😋💁🏻♀️串扬拼盘十本 $138炸串系我哋今日嘅目标，但系无从入手，所以就叫咗个厨师发板嘅拼盘，咩都有唔使谂😎拼盘有十串，其实份量都几多，每人每串都分到少少☺️有鹌鹑蛋、日本迷你甜薯、
前两日收工约咗个前同事出嚟饮吓嘢倾偈，我呢个同事又系好钟意食日本嘢，但系我前几日先食完寿司又唔想次次都系食鱼生，想试吓其他嘢多啲🤔上网揾咗一阵，见到一间应该系食日本炸串嘅餐厅，以前去大阪嘅时候试过一次几特别，估唔到香港都有🤭唔使谂，即刻过去🥸
当日去到都几多枱客，店舖嘅装修好有日本风，有一个日本太鼓可以俾人试玩😝但系劲多人喺度🤪我都唔好意思捣乱啦，由于唔太知道佢份量系几多，我同朋友点得太多嘢食😎最后饱到傻左
💁🏻♀️金线鲷 刺身 $168
朋友始终都系好想食刺身，问咗店员有咩介绍，佢哋话今日有金线鲷鱼，切嚟做刺身好鲜甜👍🏻由于价钱OK，所以我哋叫咗一份🐟师傅用火枪将个皮轻轻灸烧，食落油脂甘香，可以配搭柚子盐或者酸酸地嘅酱汁一齐食
💁🏻♀️秋刀 刺身 $128
秋刀鱼刺身真系第一次试，本来以为会好腥，点知唔会㖞，反而系佢嘅鱼油味好重，同埋条秋刀鱼都几肥下，食得出啖啖肉同埋有少少烟熏味😋💁🏻♀️串扬拼盘十本 $138
炸串系我哋今日嘅目标，但系无从入手，所以就叫咗个厨师发板嘅拼盘，咩都有唔使谂😎拼盘有十串，其实份量都几多，每人每串都分到少少☺️有鹌鹑蛋、日本迷你甜薯、日本南瓜、鸡髀菇、紫苏鸡肉、豚肉芦笋、法国Brie 芝士、大虾🍤、芝心竹轮卷同烟熏豚肉，其中最推介嘅系串扬法国Brie 芝士，炸过之后芝士变得软心，超级浓味👍🏻另外紫苏鸡肉都几特别，个紫苏叶好似紫菜咁脆卜卜，然后食到紫苏叶果一阵特别既甜味
💁🏻♀️芝士金龙卷 $98
芝士金龙卷系我叫嘅🍤其实就即系炸虾天妇罗寿司，上面再包一层芝士🤤呢个配搭点会唔钟意，炸虾天妇罗食嘅时候都仲系脆㗎，而上面嘅醋饭酸酸地好开胃，朋友都话好好食
💁🏻♀️日本吉列猪扒 $88
吉列猪扒炸完之后都唔会太干身，食得出猪扒本身嘅脂肪比例好平均，因为我好怕食吉列猪扒太柴架，呢一件好Juicy🥰佢嘅椰菜沙律又可以帮到解漏，可以自行选择用芝麻酱或者日本柚子醋调味
💁🏻♀️盐烧油甘鱼鲛 $98
油甘鱼鲛经过烧煮后爆晒汁，食落劲甘香👍🏻👍🏻鱼鲛位竟然都可以咁肥嘟嘟，加少少盐调味已经好好食😋
💁🏻♀️大版名物章鱼烧 $65
呢个章鱼烧系大阪嘅名物，本来谂住作为前菜医下肚先嘅😂点知去到最尾我哋食唔晒全份，因为真系叫得太多嘢😝不过章鱼烧本身我都好钟意食，加上蛋黄酱同埋章鱼烧汁酸酸地好好味，我最钟意就系佢放喺底𠮶块虾饼🤓
💁🏻♀️麒麟啤酒 $42
今次我同朋友试咗桂花味同玫瑰味嘅麒麟生啤，花味带出咗啤酒本身嘅麦香😉不过下次都系叫返原味生啤啦
虽然我哋两个食咗咁多嘢，但系买单连加一都系$954，人均唔使$500👍🏻如果喺大角咀想食好啲都系唔错嘅选择
张贴
