亀井鮨 (已結業)

放半昼探朋友班，跟著就带咗我去呢间新开餐厅，话系日本开业超过百年嘅老店，香港系第2间海外分店~~ 早早去到不过窗边位已FULL，但卡座位亦都够舒适濶落~餐厅以木饰装修为主，加上暖色灯光好有日系感觉，仲有一个长长寿司吧枱颇有气势。先点个香葱鲔鱼腩蓉手卷同三文鱼子寿司当前菜~朋友超钟意食刺身，所以我地点咗款特上剌身盛!刺身拼盘砌得够靓，有赤身、三文鱼腩、油甘鱼、鲷鱼、池鱼王、间八、帆立贝、赤虾，够晒多款式~ 三文鱼腩同油甘鱼够肥美，赤身同赤虾都够鲜甜，最钟意用紫苏叶包著赤身，鱼鲜加上紫苏叶独有香气，特别好食~滑蛋猪扒丼/杂锦海鲜天妇罗丼都配有面豉汤一碗，滑蛋够香而且猪扒大大份; 杂锦海鲜天妇就有好多款炸物，包括有虾、两款鱼、菇同野菜，好丰富，最钟意炸虾，鲜甜又够晒大只!原来餐厅除有空运海外刺身食材，部分料理亦使用香港本地海鲜制成，真系估佢唔到~ 而且呢度系几好坐，下次早D嚟坐窗边望住海景应该更享受~~