Nissa la Bella (差館上街)

营业中

休息中

4月去完法国一直念念不忘🥹 想系香港食反餐法国菜怀念怀念下 位置西环呢间装潢华丽 仲有唔少复古图片 做左装饰 坐位又坐得舒服 连啲Staff都特别好人 仲要讲英文 真系超有Feel🤣🔖Set dinner HKD988▶︎ 烟熏希灵鱼希灵鱼充满咸香，而且鱼上再洒有海盐，味道非常突出。另外配有薯仔，吸收了酱汁嘅香味，番茜同红葱嘅香味令薯仔更香，配埋希灵鱼食，味道更香浓▶︎ ︎菊苣沙律︎非常特别，香港好少见嘅菊苣沙律。味道清爽略苦，因为配有煮香梨、合桃、海盐等等，令味道更为特别同有层次。除咗衬托菊苣嘅苦味，同时亦突出盐香、甜味，好好食。另外配有blue cheese，令味道更浓烈▶︎ 黑松露通心粉超级香黑松露味嘅通心粉，一端上枱，随即闻到阵阵黑松露香味。放入口，尝到黑松露忌廉嘅柔滑、香浓，而且通心粉特别挂汁，煮得烟靭，非常好味。另外有大量嘅Serrano ham，充满咸香之余，更尝到淡淡嘅肉味，层次丰富且细腻，十分配合黑松露通粉▶︎ 肉眼扒沙律、薯条好食，份量充足，但重点在于主角牛扒。五成熟嘅肉眼扒煎得外皮焦香，入口即尝到㶶边香味同香脆嘅口感，牛扒肉质嫩滑，牛味浓郁，加上少许海盐嘅调味，令肉味更香浓。