喜記避風塘炒辣蟹 (謝斐道)

营业中

休息中

喜记避风塘炒辣蟹 (谢斐道) (湾仔)❣️现今时代，避风塘风格餐厅越来越少。呢间位于湾仔的喜记避风塘炒辣蟹就系好出名嘅元祖老店。保留了香港特色，有不少香港传统经典菜式。晚餐时段人流超级旺，坐满晒人！好热闹。🌟招牌避风塘炒辣蟹🦀️大量金黄色炸蒜，炸得啱啱好。既唔会太湿痴埋一齐，做到粒粒分明效果，又唔会干到苦。每一口蟹肉都食到炸蒜，香脆可口。加上有浓香的干辣椒和椒盐粉，不但冇抢走蟹本身的味道，反而更加凸显出蟹的鲜味。🌟椒盐九肚鱼拼鱿鱼🦑炸粉薄，九肚鱼外脆内软。沾上喼汁入口分散咸味，然后椒盐味后涌而出，同松软的鱼肉非常夹。口感味道都非常有层次。鱿鱼火候控制得啱啱好，完全唔韧。入口软熟得来又有咬口，味道非常鲜。🌟椒盐特大濑尿虾濑尿虾非常大只。油炸完的濑尿虾再加入椒盐炒香，咸香惹味。仲可以保持虾肉鲜味。而肉质口感弹牙鲜嫩，仲有虾膏添！🌟豉椒炒蚬吐沙非常干净。入口蚬肉非常鲜甜，咸度啱啱好，非常有镬气。好大碟，食极都仲有。🌟咸肉韭菜花咸猪肉咸香十足，搭配清甜的韭菜花，虽然简单，但十分美味可口。而且非常有镬气。