影片
更多
2021-09-14
940 浏览
九龙香格里拉酒店嘅中菜厅一向系我信心之选，今次适逢鼎食聚搞咗香港餐厅周，咁就更加唔可以错过。前菜合桃：一向唔食合桃嘅我破戒试食，一食已经停唔到口。焗酿鲜蟹盖伴姜茶啫喱：从来未食过咁多蟹肉嘅蟹盖，佢仲好食过明阁，真系好惊喜。姜茶啫喱口味浓郁，啱晒钟意浓味嘅我。羊肚菌鲍鱼炖猪腱：清汤底，中和返之前嘅浓味，鲍鱼正常发挥。花雕玉带蒸蛋白：食评通常对呢个菜式都系有赞冇弹，不过今日可能有少少失手。花雕酒香味系有，可惜芡汁呈半固体状态，未够软滑。XO酱鲜芦笋炒乳鸽圃：乳鸽又系我至爱，好欣赏师傅将呢个困难嘅食材都整得好好食。炒嘅味道虽然有少少浓，但系肉质起码唔韧，都好食。香宫炒饭：可能之前咸味嘅累积已经去到顶点，所以呢一碗炒饭感觉系有啲咸嘅，不过炒得都好好食，唯有食完饮多几杯水。杨枝甘露伴芒果卷：相信大家杨枝甘露都食得多，所以我只可以讲杨枝甘露系正常发挥。但系芒果卷系超水准嘅表现——卷身烟韧，芒果香味适中。餐厅更随餐附送美点小食，有杏仁酥、白糖糕及红枣糕等甜点，只不过系Tasting Menu但系感觉都好饱。期间行政总厨张总都会同食客交流吓，咁我同朋友都有同佢倾几句，完全感受到佢嘅诚意同埋对食客嘅重视
前菜合桃：一向唔食合桃嘅我破戒试食，一食已经停唔到口。
焗酿鲜蟹盖伴姜茶啫喱：从来未食过咁多蟹肉嘅蟹盖，佢仲好食过明阁，真系好惊喜。姜茶啫喱口味浓郁，啱晒钟意浓味嘅我。
羊肚菌鲍鱼炖猪腱：清汤底，中和返之前嘅浓味，鲍鱼正常发挥。
花雕玉带蒸蛋白：食评通常对呢个菜式都系有赞冇弹，不过今日可能有少少失手。花雕酒香味系有，可惜芡汁呈半固体状态，未够软滑。
XO酱鲜芦笋炒乳鸽圃：乳鸽又系我至爱，好欣赏师傅将呢个困难嘅食材都整得好好食。炒嘅味道虽然有少少浓，但系肉质起码唔韧，都好食。
香宫炒饭：可能之前咸味嘅累积已经去到顶点，所以呢一碗炒饭感觉系有啲咸嘅，不过炒得都好好食，唯有食完饮多几杯水。
杨枝甘露伴芒果卷：相信大家杨枝甘露都食得多，所以我只可以讲杨枝甘露系正常发挥。但系芒果卷系超水准嘅表现——卷身烟韧，芒果香味适中。
餐厅更随餐附送美点小食，有杏仁酥、白糖糕及红枣糕等甜点，只不过系Tasting Menu但系感觉都好饱。
期间行政总厨张总都会同食客交流吓，咁我同朋友都有同佢倾几句，完全感受到佢嘅诚意同埋对食客嘅重视，香宫系一间可以返兜完再翻兜嘅中菜厅。
张贴
