沙田新強記燒鵝海鮮酒家

营业中

休息中

呢间大围新强记细细个成日听，我记得系我好细个嘅时候，都有喺呢度食过一蚊鸡粥。突然间醒起佢，于是就同一家人一齐嚟呢度食。我哋叫咗几个𩠌，有烧乳鸽、椒盐鲜鱿、姜葱龙趸斑头腩煲、上汤杂菜煲，同埋当然要食饭佢最驰名嘅鸡粥啦。烧乳鸽都系佢招牌菜之一，烤出来嘅乳鸽皮脆肉嫩多汁，有浸好香嘅烟熏味，绝对值得一试。椒盐鲜鱿就镬气十足，龙趸斑头腩就非常之线，只系略嫌有稍为咸咗啲。上海杂菜煲个汤非常浓郁，营养丰富，好适合冬天食。最后系个鸡粥，真系童年回忆，食落去味道非常之浓厚，质地棉密，每一啖都吸收咗浓郁嘅鸡肉香味，啲鸡肉亦都唔鞋，非常之滑。食完之后酒楼仲送多人一碗顺滑口感嘅芝麻糊，食到我哋舐舐脷。好彩我突然间醒起呢间酒家走咗嚟食，咁好食嘅老字号，真系要再多啲嚟帮衬啦。