影片
更多
2018-07-18
778 浏览
作为一个专业吃货，对于每一个国家嘅食物都会接受。最近特别钟情于印度菜，佢哋嘅菜式味道普遍比较浓烈，甚至有啲辣，就系唔知几时渐渐爱上左呢种咁偏激嘅味道。由于真系好想食印度菜，于是上网搜寻之下，揾到呢一间餐厅系香港嘅印度菜排行榜上名列前茅，而且评价都唔错。所以就订咗枱，星期六下昼带埋屋企人嚟午餐。呢间餐厅喺亚士厘道楼上，唔算难揾，地下大堂都有标示佢嘅招牌，上到去，佢哋并唔系开放式餐厅，先要拉开一道木门先入到去。环境比感觉上干净光亮，大约一点左右上到去，已经坐满左¾嘅客人，当中有接近一半系印度籍，其余嘅有外国游客同埋本港市民。餐牌选择非常多，净系咖喱都分为北印度同南印度。杂菜千层煎饼 $75睇个名会幻想好似千层面嘅菜色，其实佢嘅意思系将千层煎饼切一条条丝，然后捞埋落咖喱杂菜里面， 所以呢个菜式都几饱肚，因为都有碳水化合物。唔算好辣，配买洋葱乳酪酱，可以Max埋一齐中和返，而且个乳酪酸酸地，食落口会更加Fresh。特制萨拉维亚套餐 $90有10款细嘅酱汁食物，中间有米饭，仲配上印度炸饼。呢一个套餐睇落唔算多，但系四个人分享，每人试小小，其实好足够！👉🏻10款酱汁食物大概有：酸辣汤、辣豆、配菜、
最近特别钟情于印度菜，佢哋嘅菜式味道普遍比较浓烈，甚至有啲辣，就系唔知几时渐渐爱上左呢种咁偏激嘅味道。
由于真系好想食印度菜，于是上网搜寻之下，揾到呢一间餐厅系香港嘅印度菜排行榜上名列前茅，而且评价都唔错。所以就订咗枱，星期六下昼带埋屋企人嚟午餐。
呢间餐厅喺亚士厘道楼上，唔算难揾，地下大堂都有标示佢嘅招牌，上到去，佢哋并唔系开放式餐厅，先要拉开一道木门先入到去。
环境比感觉上干净光亮，大约一点左右上到去，已经坐满左¾嘅客人，当中有接近一半系印度籍，其余嘅有外国游客同埋本港市民。
餐牌选择非常多，净系咖喱都分为北印度同南印度。
杂菜千层煎饼 $75
睇个名会幻想好似千层面嘅菜色，其实佢嘅意思系将千层煎饼切一条条丝，然后捞埋落咖喱杂菜里面， 所以呢个菜式都几饱肚，因为都有碳水化合物。唔算好辣，配买洋葱乳酪酱，可以Max埋一齐中和返，而且个乳酪酸酸地，食落口会更加Fresh。
杂菜千层煎饼
$75
16 浏览
0 赞好
0 留言
特制萨拉维亚套餐 $90
有10款细嘅酱汁食物，中间有米饭，仲配上印度炸饼。
呢一个套餐睇落唔算多，但系四个人分享，每人试小小，其实好足够！
👉🏻10款酱汁食物大概有：酸辣汤、辣豆、配菜、印度香料、杂菜扁豆酱、特色印度酸咖喱、乳酪、牛油奶、特制鹰嘴豆酸奶、印度煎薄饼、酸瓜同埋甜品。
其实当我知道佢哋有乜嘢嘅时候，我都分唔清边一款系边一款，有啲味道比较相类似，有啲就好啱胃口，当然有啲就未必咁适合个人口味。
当中最难忘嘅一定系甜品，似我哋食嘅椰汁西米布甸同珍多冰嘅混合体，唔会过甜，西米都冇煮到烂晒。
如果讲咸嘅，我会钟意杂菜扁豆酱，有少少咖喱浓香，唔辣。
特制萨拉维亚套餐
$90
17 浏览
0 赞好
0 留言
旁遮普芝士杂菜咖喱 $75
茅屋芝士食得多，不过落埋咖喱里面都系第一次。
茅屋芝士质感比较实身，味道偏淡，落埋落咖喱里面嘅作用都系为咗增加口感。呢个咖喱有啲辣，其实主角就系芝士，所谓嘅杂菜，就系得红辣椒干、洋葱、番茄同埋青椒，不过如果食得好辣，呢一个配面包或者白饭就一流，真系好惹味香浓。
旁遮普芝士杂菜咖喱
$75
18 浏览
0 赞好
0 留言
印度烤饼 $25
净系讲「饼」都已经好多款，我地随心选择左Naan，口感似面包，比较软熟，唔系脆口。
我哋叫咗原味，所以唔会好油，咸咸地，有少少焗炉焦香，点印度嘅酱汁就最好不过！
印度烤饼
$25
21 浏览
0 赞好
0 留言
平日好钟意食咖喱嘅屋企人，好耐冇食过印度咖喱，都大赞正宗同埋香口！
可能大家都比较钟情港式或者日本嘅咖喱，往往忽略咗呢种咁浓烈但系惹味嘅地方菜式。
✨✨✨价钱唔贵，老板服务好好，会为我地介绍每一道食物，环境都好舒适，推介！
张贴
