湯煲私房火鍋

营业中

休息中

虽然天气热辣辣，但系系室内打边炉都无咩影响，所以今日都约咗一班朋友仔去新试一间火锅店。嚟到就有好多酱料可以自己加。拣咗想食好耐既「清香椰子鸡煲」($288)， 过咗一阵汤底就到咗，味道拎嚟既时候远远闻到都觉得好香，而且仲连埋好多鸡，咁计返价钱其实都几抵，仲有埋一个专俾鸡点既酱添。椰子汤既味道超香甜，我仲饮咗成两碗添。我地叫咗打边炉必点既「苏格兰安格斯肥牛」($188半份)，爽口好味！再叫咗「西班牙黑毛猪梅肉」($128)，朋友钟意食肥啲既肉，所以好钟意呢个。「蜂巢涷豆腐」($68)，用椰子汤煲好香，而且大大旧咬落去好有质感。朋右叫既蟹柳($68)再叫咗三个菜，每个都系$68。最后就叫咗个出前一丁($28)。