成仔記麵食

营业中

休息中

上星期第一次帮衬，一试难忘，好想食多次，试真啲先得。冻豆浆，有豆香亦不太甜啱晒我，解辣最啱。星期六下午真系超多人呀，搭枱系必然既事，好采刚好有一个位唔洗等乍。云吞捞面走葱，招牌菜云吞真系名不虚传 ﹗虾仁爽口弹牙又唔会太咸，猪肉味浓肉汁丰富够香口。蚝油经自家调制过，捞面不咸而且更加鲜甜，面质咽靭弹牙，好味道 ﹗送埋几条菜芯，低食呀 ﹗只不过见到佢地一路收钱一路包云吞有点吓人，硬系有点不安。 自家制辣椒油，味道沉实带甜，质感较厚，辣度为中上级，辣味好快会系口腔消散。在我黎讲，辣椒油永远都系食面既主角，其他食材通通都系配角架乍。成仔记辣椒油辣度为中级数，但都几辣，我一羹渣刚好送一碗捞面。有缘地撞到吧友仔大杰，见佢三四羹狠狠地捞落碗面度，估唔到食得咁辣，劲我好多㖞。