Bedu

营业中

休息中

之前已经嚟过几次，今次又同朋友食lunch。午餐$220包一个sharing plate、前菜、主菜以及甜品/饮品真系好抵，冇谂过中东菜喺中环咁抵，又好食。分享嘅头盘有最出名的鹰嘴豆蓉Hummus，配上腌制渍物，同即叫即煎嘅中东扁包，烟熏Hummus顺滑，香料配搭扁包相辅相成。前菜有外脆内软嘅Falafel同埋清新嘅baby squids，一种配搭青酱，另一种配搭酸酸甜甜嘅罗勒酱，非常开胃。主菜拣咗烤鸡同埋鸭腿（+$30），烤鸡配搭藜麦沙律同乳酪酱好健康。烤鸭腿就跟饭，香料饭甜甜地，入味嘅烤鸭腿好容易撕开，冇腥味之余肉质好细嫩，仲有特色酱汁，份量亦都几大，推荐！最后今日嘅是日甜品系sponge cake，蛋糕香软有蜂蜜味，有开心果碎以及黑糖酱，唔会太甜之余，亦都好有中东风情。食完之后都好够饱，服务亦都唔错，坐吧枱嘅话可以见到佢哋食物嘅制作过程，呢个价钱系中环lunch冇得输。