麺屋飛丸

营业中

休息中

因为最近爱上鸡白汤拉面，所以上网揾下边度有，无意中比我发现左元朗一间意想不到既高质拉面小店，系外面睇平平无奇，估吾到味道同拉面质素几高！鸡白汤盐味拉面 $90鸡白汤味道够浓，盐味吾会过咸，无抢左鸡汤味。个人觉得呢间既拉面几多料，有猪肩肉叉烧、慢煮鸡胸、鸡肉丸、溏心蛋各一件，溏心蛋好入味，好好食！拉面拣左适中，食落去吸收哂鸡白汤精华，每条面都好入味。鲣节盐味清汤 $90鲣鱼汤底会比鸡白汤味道清一啲，拣左盐味，个人觉得食到最后会比较咸，配料差唔多，只系一碗用紫菜，呢碗用木鱼花。唐扬炸鸡 $28炸鸡有4件，够脆，肉质够嫩滑juicy。大阪风唐扬饺子 $32用大阪烧既酱汁，放系煎饺子上，饺子加左酱汁外皮仍然脆身，粟米猪肉馅，个人觉得几好食。牛肉薯饼 $28牛肉薯饼炸得够脆，入面个馅好creamy，仲食到有洋葱碎。拉面跟小食仲会送罐装汽水。