Uma Nota

营业中

休息中

首先系柠檬汁腌带子配木薯腌红洋葱，个汁好有果香同清新，调味刚刚好，超级开胃。烧椰菜花配纯素香草酱，椰菜花烧得唔算干身，有烟熏香味，再加埋牛油果做嘅香滑沙律酱，唔知不觉就食哂一整盘。鸡肉秋葵炸丸子配自家辣酱，虽然唔太食到秋葵味，但炸粉唔厚，再加上有啲芝士味嘅辣酱，都算系一款不错嘅小食。甜品方面试咗三款！首先系炭烧菠萝、椰子雪糕、杏仁椰子金宝碎配日本威士忌焦糖酱，椰子雪糕好唔错，炭烧菠萝几甜，又冻又热，味道上都几丰富，有亚热带嘅感觉。金箔坚果朱古力球外型靓，食落有层脆皮，唔太甜因为用咗70%嘅黑朱古力，再配埋巴西坚果，但食到一半已经食唔落，有啲滞。最后系甜品盒子，外面似朱古力布甸包住忌廉，整个甜品都好浓郁车厘子味。