望月軒

营业中

休息中

今日住咗喺澳门好耐嘅四舅公过咗嚟香港玩，我哋一家人决定同佢喺信德中心入面嘅望月轩晚饭。第一次嚟望月轩，呢度环境好宽敞好舒服，主打系食四川同埋上海菜。因为四舅公本身都系四川人所以对川菜的要求都颇高。我哋今晚人唔系太多所以都唔敢叫得太多嘢食而且第一次试都希望睇吓质素如何先，啱啱坐低我哋叫咗一啲冷盘，其中一个系飘香无骨凤爪($88)，好味、少少辣，而且因为冇骨所以啱晒我呢啲懒人，作为餐前小食，可以一路食一路倾计，主菜方面我哋点咗飘香鲜花椒牛肉($198)，呢个有少少辣味但亦都唔会太辣，而且牛肉煮得好嫩好有牛肉味，好食到唔停得口!份量亦都好够，唔会好似出面一啲餐厅咁只系得几片牛肉，之后嘅系宣威蜜汁火肪($198)，食嘅时候用配埋嘅夹包将蜜汁火肪、脆卜卜嘅腐皮同埋青瓜夹住一齐食，口感好有层次！另一样值得推介嘅系老字号樟茶鸭($338)，味道唔错而且鸭肉好嫩滑。最后我哋叫咗四川家常炒饭($98)，炒饭颗粒分明非常好味！连出名嘴刁嘅四舅公都赞不绝口！总括嚟讲呢度嘅𩠌菜无论喺味道同份量方面都相当值得推介而且睇佢个菜牌入面亦都有重庆鸡煲同埋香辣烤鱼，下次嚟一定要试埋呢几款𩠌！