張公子

营业中

休息中

以前喺外国成日同朋友吹嘘香港嘅中餐好食几多几多，结果佢今日一落机就挑机，听朋友介绍嚟咗公司附近嘅张公子食。一食，连自己都surprise埋。好 好 食。 ✦ 秋雾卤醉虾好靓嘅菜式，出上枱嘅时候轻烟缕缕，梦幻感十足。味道又系估佢唔到，醉得嚟带小麻辣，好惹味。而且仲有好多虾膏，啱晒我。 ✦ 张公子叉烧 厚切叉烧，份量多、件件厚，外层烧得又脆又甜，内层依然嫩滑。食咗两旧已经好饱。 ✦ 张公子牛肋排呢碟卖相虽然冇咁靓，但份量真系吓一跳，味道再吓多跳。焖得好冧，入口有散开嘅感觉，同时锁实晒啲肉汁，加埋酱汁亦非常香，充斥味蕾。 ✦ 劲量重手芝士大虾伊面 真系好重手，好啱朋友呢啲cheese addict。伊面依然有弹性，大虾爽滑。好大盘，超饱肚。 唯一要挑剔系真系要叫多几个人嚟食，每道菜份量都好足，两个人嗌唔到太多。值得一赞系茶有一路热住，食饱，消吓济。