影片
更多
2024-09-08
98 浏览
行过观塘附近有间粉面档主打清汤腩，见未食午饭就去试下佢主打牛腩，除咗粉面仲可以拣配白饭，我见对面个呀叔食咖喱牛腩配米粉，个色水都好似好浓郁，应该几入味，但我一个女仔食唔晒一碟饭，所以都系叫个牛三宝米粉，样样有啲，配埋个冻柠茶走甜。个餐牌写住牛腩可拣肥啲、瘦啲或半肥瘦，都几贴心。碗米粉嚟到都几大碗，牛三宝排得好靓仔，我冇特登要肥腩定瘦腩，佢俾呢个应该系瘦腩，但咬落好松化，唔痴牙，仲有浓郁牛味，好有惊喜牛筋炆得好淋好入味，牛肚爽口，呢碗米粉嘅𩠌都好多，唔会因为三拼就每样得少少，我食到尾都仲捞到牛筋，柠茶茶味够，几十蚊有呢个质素真系不错，离观塘地铁站又近，呀姐落单又爽手呢度除咗牛之外，都有一般粉面档嘅鱼蛋云呑等等，所以唔食牛嘅都可以嚟试下
行过观塘附近有间粉面档主打清汤腩，见未食午饭就去试下
佢主打牛腩，除咗粉面仲可以拣配白饭，我见对面个呀叔食咖喱牛腩配米粉，个色水都好似好浓郁，应该几入味，但我一个女仔食唔晒一碟饭，所以都系叫个牛三宝米粉，样样有啲，配埋个冻柠茶走甜。
个餐牌写住牛腩可拣肥啲、瘦啲或半肥瘦，都几贴心。碗米粉嚟到都几大碗，牛三宝排得好靓仔，我冇特登要肥腩定瘦腩，佢俾呢个应该系瘦腩，但咬落好松化，唔痴牙，仲有浓郁牛味，好有惊喜
牛筋炆得好淋好入味，牛肚爽口，呢碗米粉嘅𩠌都好多，唔会因为三拼就每样得少少，我食到尾都仲捞到牛筋，柠茶茶味够，几十蚊有呢个质素真系不错，离观塘地铁站又近，呀姐落单又爽手
呢度除咗牛之外，都有一般粉面档嘅鱼蛋云呑等等，所以唔食牛嘅都可以嚟试下
张贴
