喜記蟹將軍 (iSQUARE國際廣場) (已搬遷) 新店位置

琴日系男朋友生日，知佢钟意食海鲜所以订左喺国际广场嘅喜记蟹将军同佢庆祝，见到佢时令奄仔蟹套餐，所以提早一日订咗。啲职员都有礼貌，又会安排口罩信封俾我哋放口罩，卫生得来又窝心。枱面有好多俾我哋剥蟹嘅工具，所以都唔会麻烦。首先有蟹肉扒时蔬🥦，我哋𠮶日系西兰花，啲蟹肉味道好浓郁，有啲汁浸入西兰花入面令到食落去嘅时候好满足。仲有百味豆腐，呢个少少似避风塘炒豆腐，豆腐外皮酥脆，加埋香料好惹味。主食有蟹粉烩饭，饭桶男朋友见到呢个双眼发光，炒饭底加埋满满蟹粉真系食到停唔到。最后当然唔少得奄仔蟹，有清蒸嘅同埋牛油盐焗，可以试两种味道各两只，一款比较鲜甜，另一款就有咸香，蟹都好新鲜。🦀