瀛豐放題料理專門店

营业中

休息中

好耐无食过放题，行开街同妈妈黎到呢间放题食下嘢，平日夜晚黎都系二百几蚊一个人，好抵食🤟🏼一坐低侍应会送上嘅虫草花炖鸡汤，十分足料，好暖胃。加左$148升级嘅极品海鲜嘅拼盘，有鱼子酱，日本蟹腿🦀，青口，刺身拼盘，本身随餐附赠嘅有油脂味香浓嘅三文鱼腩，吞拿鱼腩，八爪鱼，生虾等嘅刺身，表现都好出色，唔会有半点雪藏味，处理得好好👍🏻饮品有好多选择，无论汽水，茶类到啤酒都有🤟🏼寿司，甜品，小吃等好多都好贴心咁煮成半口份量。榴莲糯米糍偏软糯，入口即溶，半口嘅份量刚刚好。食完一堆刺身之后，好需要食啲热嘢暖暖肚，叫左呢个鳗鱼炒饭，酱油味香浓，鳗鱼肉亦好足料🤍值得一说，餐厅嘅服务态度不俗，好友善，换碟清理时间亦好密，唔会堆到成台乱哂。