影片
更多
2025-01-04
139 浏览
话说12月30号同朋友约好7:30食饭，谂住同friend细路仔庆祝下年尾。OpenRice book唔到七位，打电话落去book，谂住冇咩特别。点知由入到去已经开始不愉快，企咗成五分钟，啲店员行来行去见我企定定咁望都冇反应，真系服了。终于坐低，未问过意愿就直接摆低三款冷盘，净系知你收钱。到朋友到齐，因为有所谓「特价餐牌」要尽快落单，咪叫咗几味先啰。就系呢个时候，喺枱面发生咗令人震惊嘅一幕 - 有只曱甴大模斯样喺枱面度周围行！叫店员帮手，佢嘅处理手法真系令我目瞪口呆：随手攞张纸巾，拍一下未死，眼白白睇住只曱甴继续爬，先至再拍多次。最离谱系拎走咗只死曱甴之后，连句道歉都冇，仲要连张枱都懒得消毒，草草咁摆张纸巾就算完事！我哋全枱人目睹成个过程，仲要有小朋友喺场，连基本嘅酒精消毒都懒得做，卫生意识简直等于零！朋友见到咁，边仲有胃口食？即刻同佢讲取消晒啲嘢食。最夸张系啲店员听到要取消，连问都懒问就行开咗，仲要喺我哋离开嘅时候，仲要摆个仇视嘅眼神望住我哋！要讲卫生同服务，呢间餐厅真系创造咗新低，绝对系我去过最差嘅一间。如果你问我有冇推荐菜式，Sorry，见到只曱甴已经吓亲，连叫咗嘅嘢都未上到枱已
话说12月30号同朋友约好7:30食饭，谂住同friend细路仔庆祝下年尾。OpenRice book唔到七位，打电话落去book，谂住冇咩特别。点知由入到去已经开始不愉快，企咗成五分钟，啲店员行来行去见我企定定咁望都冇反应，真系服了。
终于坐低，未问过意愿就直接摆低三款冷盘，净系知你收钱。到朋友到齐，因为有所谓「特价餐牌」要尽快落单，咪叫咗几味先啰。就系呢个时候，喺枱面发生咗令人震惊嘅一幕 - 有只曱甴大模斯样喺枱面度周围行！
叫店员帮手，佢嘅处理手法真系令我目瞪口呆：随手攞张纸巾，拍一下未死，眼白白睇住只曱甴继续爬，先至再拍多次。最离谱系拎走咗只死曱甴之后，连句道歉都冇，仲要连张枱都懒得消毒，草草咁摆张纸巾就算完事！
我哋全枱人目睹成个过程，仲要有小朋友喺场，连基本嘅酒精消毒都懒得做，卫生意识简直等于零！朋友见到咁，边仲有胃口食？即刻同佢讲取消晒啲嘢食。最夸张系啲店员听到要取消，连问都懒问就行开咗，仲要喺我哋离开嘅时候，仲要摆个仇视嘅眼神望住我哋！
要讲卫生同服务，呢间餐厅真系创造咗新低，绝对系我去过最差嘅一间。如果你问我有冇推荐菜式，Sorry，见到只曱甴已经吓亲，连叫咗嘅嘢都未上到枱已经要走。希望呢个血淋淋嘅教训可以话俾大家知，所谓嘅「特价」背后，可能隐藏住更大嘅代价。
人生第一次，见过咁嚣张嘅曱甴，仲要遇到咁冷血嘅店员，真系前所未见。正所谓一次不忠，百次不用，呢间嘢真系等佢空咗先啦！
张贴