一鼎茶

营业中

休息中

一日同朋友喺马鞍山MOSTown新港城中心行街，啱啱口渴𠮶阵见到呢间top pot tea。我哋睇咗睇佢哋嘅餐牌，觉得价钱好合理，就顺势同朋友一人叫咗一杯嘢饮。我自己就叫咗【香水爆柠】，跟住我个朋友就叫咗佢哋嘅【霸王水果茶】，两杯嘢饮总共都系$81。佢哋嘅【香水爆柠】我个人觉得好清凉解渴，有阵好香嘅柠檬味，酸酸哋嘅香味仲可以提神，口渴𠮶阵饮落去真系好爽。朋友叫咗嘅【霸王水果茶】，佢拣咗西瓜配百香果，西瓜嘅甜，再加埋百香果嘅香，完美噉配合埋茶香，一杯落肚，我朋友饮完都觉得神清气爽。呢间top pot tea真系值得推介，价钱公道，饮品好饮！