Cafe Whale

营业中

休息中

今日在西湾河太安楼试咗一间唔错嘅burger店，原来系分店，睇openrice见佢香港仔的总店都非常受欢迎，咁呢间野嘅野食又真系唔错，唔怪得可以开分店啦。见佢嘅menu嘅burger都几特别，例如余均益蛋黄酱牛脷汉堡、飞鱼子蛋黄酱软壳蟹汉堡同黑松露酱沙巴龙趸汉堡，个沙巴龙趸burger仲写明鱼市场直送添，问咗waiter边只好，佢建议第一次试就要试佢哋嘅signature手打骟牯牛汉堡，另外就试埋佢哋嘅腐乳炸薯条。个手打骟牯牛汉堡真系唔错，唔知系咁系心理作用，我觉得骟牯牛嘅牛味真系香d浓d，大家试吓之后可以一齐分享吓。佢嘅牛肉够厚，咬落去嘅口感特别开心，佢d蔬菜都几新鲜，特别系个罗马生菜，好正。腐乳薯条开头以为好似腐乳通菜咁样有一pat腐乳喺薯条上面，原来佢旧腐乳好似硬芝士磨粉咁样，有d似shake shake粉，咁样食仲会方便咗。佢嘅腐乳味啱啱好，唔算太浓。呢间Burger店整体唔错，下次可以再encore。