Wooloomooloo Steakhouse

营业中

休息中

今年生日饭同老公拣咗一轮，最终决定有靓景嘅餐厅而且呢度仲有我哋一直想试嘅威灵顿牛，所以好快决定同book咗位老公神神秘秘订咗花送去餐厅，餐厅都细心帮佢收好，我哋去攞位时都无即时穿煲，算醒目，唔会好似啲餐厅未食完饭就问系咪要切蛋糕咁（笑）😆龙虾汤放上枱已经飘香，饮落都够浓味，一碗够两个人分，事前讲定佢会直接分埋送上枱蟹饼个摆盘好精致，食落都松软啖啖蟹肉，系略嫌酱汁味会大过蟹味至于威灵顿牛呢就略略失望，好似好多食过嘅人咁讲，呢道菜好难整得好，呢度嘅牛味道熟度尚好，但切完真系会酥皮同牛分离，令人比较唔明点解要一齐食，不过爱牛油皮嘅话个酥皮算唔错嘅。本身我哋谂住叫medium rare, 但侍应提我哋可以叫rare，我哋食落都十分认同并好彩听佢讲要rare，否则应该会太熟而煎炉鱼就因为个仔要食鱼，鱼皮煎得够脆，肉咬落尚嫩口，唯一系个汁唔系咁啱feel芝士通粉本身都系谂住俾个仔食，不过佢唔钟意食，我觉得个粉一般，唔系必要淀粉质可以唔叫最后叫咗热朱古力蛋糕，其实即系心太软，整体都够暖好食、系觉得佢边位好似放咗芝士粉再焗咁，有点点咸鲜味，呢方面少少怪。