119 Italio Restaurant & Bar (已搬遷) 新店位置

约咗朋友食饭，各有各忙都好耐无见面，佢话去太子食，问我有冇意见，佢出埋主意唔使我烦恼仲好，即刻问佢食乜，有咩好介绍。佢话呢间西餐性价比唔错，D食物处理得几好，环境又舒服，可以hea好耐，慢慢坐都唔会催客人走。我地去到都已经预备咗位置俾我地，坐低饮杯水就睇menu啦。主菜叫咗个肉眼牛扒，七成熟唔会太生，见到血水我朋友食唔到呀。肉质唔错，表面煎得香脆，再叫个蚬肉墨汁意粉，意粉比较弹牙，呢样已经得到一半分数，最怕食D腍patpat嘅意粉架啦。加个窝夫雪糕三文治share嚟食，窝夫焗到好脆，夹埋雪糕一齐食，又冻又热嘅口感，份量十足，呢个甜品好好食。