影片
更多
2021-04-26
2868 浏览
呢日回到土瓜湾揾旧工作伙伴食饭，虽然我对呢区颇为熟悉，但就喺佢嘅介绍下，先至初尝「喜满楼菜馆」。因为餐厅门面并唔起眼，之前行过只觉得佢系一间地道街坊茶记🙈。行到入餐厅先发现原来几大间，估唔到闲日下午都咁多人食紧，环境正正常常啦，大致上都算干净企理。其实下午茶时段只系做到五点，我哋过咗小小钟，但店员都俾我哋嗌埋，好好人呢☺️。定价方面，早午茶餐同客饭𠮶啲偏向大众化，而小菜类价钱就较高，可能因为唔少菜式都用上靓食材嘅关系啦。秘制酱油厚猪扒饭($58)，作为餐厅名物嘅皇牌厚猪扒果然无令人失望🐷。猪扒坚厚坚巨型，大块过我块面啊！猪扒肉质既嫩滑又结实，食得出并无用松肉粉过份腌制，更绝无臭猪味。除咗猪扒外，仲有一只荷包蛋🍳同少量椰菜伴碟。🍚白饭份量唔多，对女仔嚟讲啱啱好；不过大食的话，叫多饭应该都OK。秘制酱油睇落好深色水，但实际上唔会过咸、过于缠人。星洲炒米($43/下午茶价)，虽则话系迷你，但份量亦都唔少，足够当正餐食😜。呢碟星米比起九成茶记好食，分别在于炒得入味兼爽口。镬气唔算好劲，但亦免却咗炒㶶痴底同过份肥腻嘅情况。米粉面质唔错，粗幼适中，唔易截断，并无炒到碎湿湿。最后，星米中嘅配料－虾同叉
呢日回到土瓜湾揾旧工作伙伴食饭，虽然我对呢区颇为熟悉，但就喺佢嘅介绍下，先至初尝「喜满楼菜馆」。因为餐厅门面并唔起眼，之前行过只觉得佢系一间地道街坊茶记🙈。
行到入餐厅先发现原来几大间，估唔到闲日下午都咁多人食紧，环境正正常常啦，大致上都算干净企理。其实下午茶时段只系做到五点，我哋过咗小小钟，但店员都俾我哋嗌埋，好好人呢☺️。定价方面，早午茶餐同客饭𠮶啲偏向大众化，而小菜类价钱就较高，可能因为唔少菜式都用上靓食材嘅关系啦。
秘制酱油厚猪扒饭
$58
55 浏览
0 赞好
0 留言
秘制酱油厚猪扒饭($58)，作为餐厅名物嘅皇牌厚猪扒果然无令人失望🐷。猪扒坚厚坚巨型，大块过我块面啊！猪扒肉质既嫩滑又结实，食得出并无用松肉粉过份腌制，更绝无臭猪味。除咗猪扒外，仲有一只荷包蛋🍳同少量椰菜伴碟。🍚白饭份量唔多，对女仔嚟讲啱啱好；不过大食的话，叫多饭应该都OK。秘制酱油睇落好深色水，但实际上唔会过咸、过于缠人。
星洲炒米
$43
50 浏览
1 赞好
0 留言
喜满风沙鸡
$178
47 浏览
0 赞好
0 留言
首先，风沙鸡卖相吸引😍，色泽金黄。炸鸡面铺上大量金沙脆脆，即系酥脆嘅炸蒜粒。厨师控制火候得宜，如果蒜粒炒得过火就会产生苦味，但呢度真系一丁点苦都无。再者，炸蒜粒炸得够干身，粒粒分明，放咗半个钟仍能保持脆身。🐓主角鸡肉亦同样出色，皆因所采用嘅鸡种肥美肉厚，皮薄肉嫩；油炸后香脆得嚟竟然仲可以油都唔多滴，简直难以置信，大大减低食炸鸡嘅罪恶感哈👻。
饮品方面🥤，我哋要咗冻奶茶，冻饮加$3。奶茶嘅调味恰到好处，唔会太甜，茶底亦唔会太涩。
总括嚟讲，高手在民间，要食好味小菜唔一定要去大酒楼或者酒店中菜厅，嚟喜满楼都得，怀旧同创意菜式一应俱全😋。今日嗌嘅三样食物都好有水准，味道够浓够香，但并唔代表一定系多油多盐重口味，其实健康滋味都可以好惹味㗎🥢！
张贴
