L'AMOUR

呢间系大埔区出名既fine dining 果然名不虚传，一见到个门口已经哗左一声，佢道门真系值得留意下。入到去既装修会哗第二声，座位、吊灯、枱面布置同bar枱都高级，绝对系低调高手既隐世餐厅。平时呢啲fine din 都系份量好小，但呢间好唔同，见到啲薯条、猪扒同牛肉都唔小野，而且佢会等你食完先再起下道菜。首先系巴马臣芝士黑松露薯条，劲大碟，好多黑松露，薯条好大条，热辣辣好好食。蒜片辣椒蟹肉扁意粉既蟹肉有好多，仲有啲鱼子酱系上面，有蒜香又辣辣地咁岩哂我。慢煮西班牙黑毛猪鞍好嫩口，一啲都唔柴，仲要系大大块，配埋焦糖苹果更开胃醒神。威选顿牛柳肉质鲜嫩，酥皮既香味入哂啲牛度，酥皮外脆内软，加上个伴碟咁靓，值得推介下。最后叫个比利时朱古力心太软作结，暖暖流心既朱古力加上脆香既外皮，黎多个都食得哂。总括黎讲，环境舒适有情调，绝对系庆祝纪念日既好地方，食物既份量足够，fine dinning 既好选择。