神燈海鮮酒家 (18廣場)

营业中

休息中

良朋欢聚，约咗去佐敦嘅神灯海鲜酒家食晚饭。上到去，都差唔多坐满咁滞，相信呢间嘅出品都应该唔错。未人齐，先叫碟帽子戏法食住先，可以喺6样小食拣3样，我哋拣咗卤水鹅掌翼、鸭舌同熏蹄，非常开胃。然后再嚟怀旧虾多士、招牌焗鱼肠、神灯小炒皇同黑松露玻璃烧鹅。虾多士同小炒皇都唔错，份量唔细又够镬气。黑松露烧鹅攞到嚟已经好香黑松露味，不过略嫌唔系好够热。最失望系砵焗鱼肠，太甜，唔够干身同冇乜鱼肠，失败。收拾心情，再叫白灼牛三宝、梅菜蒸菜心同豉油皇炒面。牛三宝新鲜，点嘅豉油好正，加埋大量芽菜仔，好食。梅菜蒸菜心啲梅菜好香甜，洗得好干净，冇沙，配合菜心蒸出嚟嘅效果好好。最后碟炒面有少少失望，唔系好够镬气。不过整体嚟讲都系中上水准，所以咁多人捧场。