影片
更多
2022-12-09
74 浏览
近排好想食泰国野，就嚟左呢间泰然餐厅，佢位于青衣，估唔到小商场里面竟然有间泰国餐厅，仲要系平民价，如果食lunch的话，都好抵食！我同朋友今次叫左好多野食，前后落单，唔洗15分钟已经上齐野食，职员好有礼貌好细心，会问下食辣程度去到边👍🏻泰式生海虾（六只）$88生虾上到嘅时候觉得好惊喜，每只虾都用不同嘅杯仔搭配唔同嘅酱汁，真系好少见，酱汁好开胃，生虾鲜味重，好后悔叫左6只，应该叫个12只份量先够喉🤪冬阴功海鲜汤$108冬阴功汤已经用个炉仔keep住煲，值得一赞嘅系，入边材料好多，有几两只大虾，仲有啲杂菇同鱿鱼等等，辣味酸味刚刚好，值得叫！泰式明炉青柠汁乌头$138呢个价钱食到泰式炉鱼，真系好抵食，平时去到九龙城先会食到呢个价钱。条鱼一啲都唔腥，搭配青柠汁食，好fresh，佢另外仲搭配左个泰式辣汁俾我哋，有唔同嘅食法，好抵食☺️小食拼盘（小）$108小食拼盘好适合两个人叫，每样小食都有两件，啱啱炸出嚟仲热辣辣，搭配咗一个沙嗲汁，串烧肉好惹味，虾饼同春卷都好松脆，大家可以叫个细份试下。泰式菠萝海鲜炒饭$98我冇谂过个炒饭$100都唔使，嚟到嘅时候伴碟好靓，好有泰式风情嘅感觉，仲要大大份，真系好
近排好想食泰国野，就嚟左呢间泰然餐厅，佢位于青衣，估唔到小商场里面竟然有间泰国餐厅，仲要系平民价，如果食lunch的话，都好抵食！
我同朋友今次叫左好多野食，前后落单，唔洗15分钟已经上齐野食，职员好有礼貌好细心，会问下食辣程度去到边👍🏻
泰式生海虾（六只）$88
生虾上到嘅时候觉得好惊喜，每只虾都用不同嘅杯仔搭配唔同嘅酱汁，真系好少见，酱汁好开胃，生虾鲜味重，好后悔叫左6只，应该叫个12只份量先够喉🤪
冬阴功海鲜汤$108
冬阴功汤已经用个炉仔keep住煲，值得一赞嘅系，入边材料好多，有几两只大虾，仲有啲杂菇同鱿鱼等等，辣味酸味刚刚好，值得叫！
泰式明炉青柠汁乌头$138
呢个价钱食到泰式炉鱼，真系好抵食，平时去到九龙城先会食到呢个价钱。条鱼一啲都唔腥，搭配青柠汁食，好fresh，佢另外仲搭配左个泰式辣汁俾我哋，有唔同嘅食法，好抵食☺️
小食拼盘（小）$108
小食拼盘好适合两个人叫，每样小食都有两件，啱啱炸出嚟仲热辣辣，搭配咗一个沙嗲汁，串烧肉好惹味，虾饼同春卷都好松脆，大家可以叫个细份试下。
泰式菠萝海鲜炒饭$98
我冇谂过个炒饭$100都唔使，嚟到嘅时候伴碟好靓，好有泰式风情嘅感觉，仲要大大份，真系好惊食唔晒😂材料劲多，好足，最钟意菠萝炒饭搭配好多nuts，呢间餐厅完全满足到我所有愿望🫶🏻
马拉盏炒通菜$58
最后嗌咗个炒菜，马拉盏炒通菜好有镬气，通菜唔会好老，调味刚刚好，我食落去都唔觉得好油好热气嘅感觉，如果有下次会试埋个芥兰😬
椰青$36
我同朋友分别嗌左杯野饮，椰青好抵饮，出边自己买分分钟要$40一个。
火龙果芝士沙冰$32
火龙果芝士沙冰已经见到上网有人介绍，佢真系有啲似台式饮品咁，上面层厚芝士好满足，唔会有漏漏嘅感觉，下面火龙果真系新鲜整，成件事好健康，赞👍🏻
一间喺小商场入边嘅餐厅，竟然有九龙城嘅水准，极力推荐大家去开青衣可以试下。
3 浏览
1 赞好
0 留言
张贴
