唐述

营业中

休息中

呢间系Fusion 的中菜，菜式好特别，好好味，价钱虽然贵啲，但手工野同埋唔系度度食到。 桂花乌龙烟熏脆皮鸡，呢个菜式系要预订的， 佢个锅系有满满既香草，一打开都闻到个香味，入口皮脆肉嫩，同炸子鸡既脆皮唔同。另外叫左啫啫唐生菜，味道较浓，份量较少，同埋偏咸，用黎配饭就较好。主食叫左棉花泡饭，个棉花系用蛋白同带子整的， 食落软棉棉，同时又好有鲜味！ 甜品拣左包公出巡，系一个芝麻甜品，都系要预订，有芝麻雪糕，芝麻卷，芝麻流沙煎堆仔， 好香芝麻味，食得出系手工甜品。另外有一个系贵妃玉露，味道系番石榴嘅西米露，好清新！ 感觉唔会太甜，所以食左成碗都唔会觉得漏。最特别既一定系用宝箱装住既甜品， 佢系一个雪糕串，佢既样好似冰糖胡芦咁，食落去系酸酸甜甜既雪糕，所以都好好食，口质特别，加上有个咁靓既上碟。呢度既野食全部都好特别同好好食，而卖相都好靓，仲坐得好舒服，啱晒钟意打卡既人。