蟹仙海鮮蒸氣鍋 (龍崗道)

营业中

休息中

一向钟意食蒸气锅因为用蒸气石锅烹调海鲜可以保留海鲜最纯粹嘅鲜味，蒸气凝成嘅水分同海鲜嘅精华喺蒸煮过程中会流到底层粥底，食完蒸熟嘅食材后，就可以品尝到充满鲜味嘅米粥😌 店员推介呢个性价比高嘅尊贵海鲜套餐（$419），粥底及酱油费 ＄15/位，一次过可以品尝到多款海鲜，海鲜每日新鲜到港，以当日时令海鲜作准。🦀野生膏仔蟹 - 蟹膏浅黄香软、甘香不腻，蟹肉细嫩鲜甜～🦀太平洋馒头蟹 - 一年只有数月可以品尝，唔多肉，系食佢嘅鲜味同嫩滑感～🦞野生琵琶龙虾- 较罕有，肉质结实细滑～🦐日本野生大赤虾- 呢款深海虾属刺身级，非常鲜甜，肉质爽弹，虾膏香浓～💫台湾九孔鲍鱼-大只得嚟质感又软熟，味道鲜甜～💫大西洋野生青口～好肥美嘅青口，入口嫰滑，海水味十足～💫日本大元贝- 肉质爽甜清香～💫纽西兰月亮贝- 肉质鲜嫩幼滑，比较罕见嘅一种贝介类海鲜～🦪韩国釜山珍珠蚝- 海水咸鲜味浓郁，清甜爽口，带矿石味～最后送左椰汁雪燕俾我哋做甜品，滋润一下，为呢餐圆满嘅海鲜餐画上句号。