影片
更多
2017-08-15
137 浏览
尖沙咀嘅「101手工涮涮锅」猪先生猪小姐都非常喜欢 而家铜锣湾开左分店 当然要去试下啦分店位于食肆大厦Midtown 29/F！环境比人感觉高级典雅 非常宽敞 空间感大简洁嘅云石枱同环境十分相衬行出露台位置 仲有五光十色嘅夜景望下 好有气氛 罗曼蒂克～手工涮涮锅套餐由前菜 火锅 配料 饮品 甜品一条龙包哂无限追加嘅前菜分别系麻酱手撕鸡同秘制麻辣木耳 手撕鸡香口带微辣 木耳爽口又有益！火锅底我地拣左台湾香辣三杯卜卜蚬涮涮锅卜卜蚬尼排好hit㖞！台式卜卜蚬锅又会系咩味道呢？啲蚬份量好多 都有十几廿只 食落鲜甜又无沙火锅底有不同种类嘅蔬菜同配料 紫洋葱 蕃茄 娃娃菜 生菜 秀珍菇 墨丸同豆卜等等味道比我想像中清淡 「三杯」酱料应更浓郁！？好彩锅内有各款蔬菜去增强锅底清甜度堆出四朵靓靓玫瑰嘅黑毛猪颈肉 色泽嫩白纹理有致口感爽口弹牙 鲜肉味浓 唔会有雪气 有质素！特选手工火锅拼盘最令人期待 全都创新又有诚意！墨鱼汁鸟结糖乌卒卒 质感软绵 加入左墨鱼软骨好有口感！尼粒黑白配好得我欢心三重芝士虾丸的确够哂「芝」！弹牙虾丸一咬流心浓郁芝士慢慢流出 爱芝士之人必爱！两款饺子都充满黑松露独特香气 十分香浓
分店位于食肆大厦Midtown 29/F！
环境比人感觉高级典雅 非常宽敞 空间感大简洁嘅云石枱同环境十分相衬
行出露台位置 仲有五光十色嘅夜景望下 好有气氛 罗曼蒂克～
手工涮涮锅套餐由前菜 火锅 配料 饮品 甜品一条龙包哂
无限追加嘅前菜分别系麻酱手撕鸡同秘制麻辣木耳 手撕鸡香口带微辣 木耳爽口又有益！
火锅底我地拣左台湾香辣三杯卜卜蚬涮涮锅卜卜蚬尼排好hit㖞！台式卜卜蚬锅又会系咩味道呢？
啲蚬份量好多 都有十几廿只 食落鲜甜又无沙
火锅底有不同种类嘅蔬菜同配料 紫洋葱 蕃茄 娃娃菜 生菜 秀珍菇 墨丸同豆卜等等
味道比我想像中清淡 「三杯」酱料应更浓郁！？好彩锅内有各款蔬菜去增强锅底清甜度
堆出四朵靓靓玫瑰嘅黑毛猪颈肉 色泽嫩白纹理有致
口感爽口弹牙 鲜肉味浓 唔会有雪气 有质素！
特选手工火锅拼盘最令人期待 全都创新又有诚意！
墨鱼汁鸟结糖乌卒卒 质感软绵 加入左墨鱼软骨好有口感！尼粒黑白配好得我欢心
三重芝士虾丸的确够哂「芝」！弹牙虾丸一咬流心浓郁芝士慢慢流出 爱芝士之人必爱！两款饺子都充满黑松露独特香气 十分香浓！饺皮亦够薄身又够滑
而其他手工配料亦各具特色
手工即炸响铃好巨型 手臂咁大条 干脆炸腐皮吸收汤底精华 好正呀！炸鱼皮亦都脆卜卜 好香口
其他配料可以无限追加再追加
脆鲩鱼腩好新鲜 雪白无腥味！食落十分爽脆！
白鳝片薄切透亮 同样鱼鲜味十足
芋丝 稻庭乌冬都系猪小姐打边边必点嘅 对于无限劲encore乌冬我们表示兴奋娃娃菜有营养又可以令汤底更甜 足八吋长鳕场蟹棒有无八吋？ 无度啦哈哈 不过亦系点完又点嘅首选
饮品方面无论有酒精定无酒精同样任点唔嬲！
有酒精饮品cocktails 红白酒 啤酒任点认真少有 岩哂无酒不欢嘅朋友们干一杯不过猪先生猪小姐都比较少饮酒 都系饮下啲特色饮品
猪先生拣左爱文芒果可乐沙冰(可选择可乐/雪碧/忌廉)
饮品卖相唔错 饮番两杯都足以回本芒果味好突出 唔会太假 同可乐味道几match 饮完透心凉
猪小姐就点左蜂蜜水果冰茶味道唔会好甜 好natural 有水果切粒 感觉滋润兼解渴
盘栽奶茶系列都几吸引呀 所以猪小姐都order左 之后比猪先生饮哈哈味道有点偏甜 饮得多会觉腻及饱肚 唔太岩我口味 但相信系唔少女士嘅must order item！
甜品木槺珍珠奶茶布丁我比like！奶茶味好浓郁 质感幼滑有层次 yummy
无论食物质素 环境气氛定系服务态度都相当令人满意 尼个价绝对抵比嘅！
张贴
