影片
更多
2022-05-15
732 浏览
讲到粉岭高汁Burger，必定要数由海联广场「伊之吧」酒吧转型卖 Burger 仲搬埋去囍逸嘅 「E Burger Cafe」。未搬前其实我已经介绍过，因为佢重料又好味，喺粉岭区实属难得。搬咗囍逸之后，店舖走文青风格，更加清新明亮，枱同枱之间唔会太迫，个人就觉得舒服好坐。（因为旧舖啲櫈好低，食嘢有啲辛苦）我食饭不嬲都会避开 Lunch Hour，12:00左右到，店内仍有一两张枱，我哋唔使等位就可以入座。1:00左右嚟稍为要等一阵，都唔算等好耐，只系如果人多就要分开坐。坐低见到有一个 「impossible」嘅 promo。餐牌上有两个素食选择：焦糖洋葱不可能汉堡同黑松露蛋牛油果汉堡包。无咗以前嘅 portobello mushroom burger。因为我想食牛油果就选择咗后者，Vegan 嘅朋友可以选择 impossible 𠮶个呢。黑松露蛋仍然整得非常香同嫩滑，中间有一大层牛油果片，我觉得个版本正过以前嘅大啡菇burger，加上番茄片同埋我最心心嘅火箭菜，好好味呀！呢个包简直系为我而设㗎。😍个包实在太大，不过咁好味我又唔想浪费，所以放弃咗啲薯条食晒个包。食完饱到一返到屋企立刻瞓着
未搬前其实我已经介绍过，因为佢重料又好味，喺粉岭区实属难得。
搬咗囍逸之后，店舖走文青风格，更加清新明亮，枱同枱之间唔会太迫，个人就觉得舒服好坐。（因为旧舖啲櫈好低，食嘢有啲辛苦）
我食饭不嬲都会避开 Lunch Hour，12:00左右到，店内仍有一两张枱，我哋唔使等位就可以入座。1:00左右嚟稍为要等一阵，都唔算等好耐，只系如果人多就要分开坐。
坐低见到有一个 「impossible」嘅 promo。餐牌上有两个素食选择：焦糖洋葱不可能汉堡同黑松露蛋牛油果汉堡包。无咗以前嘅 portobello mushroom burger。因为我想食牛油果就选择咗后者，Vegan 嘅朋友可以选择 impossible 𠮶个呢。
黑松露蛋仍然整得非常香同嫩滑，中间有一大层牛油果片，我觉得个版本正过以前嘅大啡菇burger，加上番茄片同埋我最心心嘅火箭菜，好好味呀！呢个包简直系为我而设㗎。😍
个包实在太大，不过咁好味我又唔想浪费，所以放弃咗啲薯条食晒个包。食完饱到一返到屋企立刻瞓着咗。😅
如果佢 mini burger 个 menu 有呢个选择就完美啦！如果唔系下次真系要切开一半分两餐食。
张贴
