高知駅

营业中

休息中

呢间超有特色嘅居酒屋，位于上环嘉咸街，虽然要行一条好长嘅斜路先上到嚟，但系为咗今日嘅美食都系好值得。餐厅以高知县嘅特色料理为主题，虽然系小店，但系职员同埋舖头嘅装修都好高质，令你觉得身处喺日本嘅居酒屋咁。电气Bran High Ball用咗日本嘅电气白兰 (Denki Bran)做base，佢本身都系一支鸡尾酒，所以味道有少少甜，加梳打水劲夹。长芋山葵渍 & 萤光鱿鱼冲渍伴海胆汁舖头有好多款渍物可以拣，今次我哋就试咗长芋山葵同埋萤光鱿鱼，长芋山葵劲爽口，萤光鱿鱼味道偏浓，好啱送酒！稻草熏烤鲣鱼师傅拎咗个铁箱上黎即场用稻草熏熟鲣鱼嘅表面。猛火烤鱼表面烤至微焦离火，再放人冰水紧实肉质。呢种做法系高知県嘅特色，之所以用到稻草其实系为咗去除鲣鱼嘅腥味。咁繁复嘅煮法，出黎嘅就系一碟鲜嫩可味嘅鲣鱼料理。虎虾又系一味令人难忘嘅菜式，虎虾鲜甜弹牙。居酒店必食之选。和牛三角腩和牛够晒肥美，入口即化，油香留晒喺口腔度。鸡翼串烧鸡翼外脆内嫩，锁住劲多肉汁喺鸡皮入面。