莫云

营业中

休息中

好难得揾到好地方同家人饮个靓茶😀今次到访大角咀银海一号附近呢间中菜厅。装修华丽新派， 一行到入去就见到大大旧鱼翅放喺客厅中央，非常奢华。莫云呢到好多包厢，好适合一Group 人黎聚餐，特别系喜欢私隐嘅人士，呢到大厢小厢不应俱全。点心好多选择，今日食到好多都出乎意料，惊喜地高质，首先个生煎包，一半翡翠绿色一半白色，讲卖相都已经够晒吸引，入边有系黑椒和牛馅料，非常有睇头；饺子大大只好有诚意，入面猪肉系新鲜嘢😍好正，仲要系粒粒胀卜卜；个龙虾汤同小笼包更是精美，连埋个小火龙一齐上好有仪式感呀，一咬开仲要极多汁；黑松露烧卖大大粒，真材实料，完全冇肥膏，馅料亦够多；炒面系最后加，好香口，面有咬头，不错👌香港难得遇到咁有诚意嘅中菜厅，价钱属于中上，可回头