Jack's Terrazza Ristorante

营业中

休息中

黎到大尾笃踏完单车，肚饿唔知食咩好，最岩黎呢间西餐厅，环境气氛唔错，交通又方便，旁边就有个大型停车场，自己开车黎又得，又可以坐巴士同小巴。非常方便。一入到去餐厅，已经听到好好听既歌曲，live band，加上服务员非常热情既招待，非常专业咁介绍，真系好亲切。一开始我地叫左个西汤，非常足料，香浓既西汤加上香脆可口既法包，同出面其他餐厅一啲都唔一样，非常香口再黎紧系唔小得既前菜，沙律开开胃啦，加咪特别既dressing,美味香甜，蔬菜非常之新鲜，食落好爽口。终于到左最主打既时候，今次我地试左呢个羊排餐，食落肉汁非常多，一啲都唔会油腻，入口即溶，点小小秘制酱汁非常之野味，非常特出既肉味，非常新鲜，而且肥瘦适中，口感一流。最后叫左个饭后甜品，草莓芝士蛋糕同咪蓝莓木糠芝士蛋糕，芝士味十分浓厚而不油腻。食完之后叫多杯奶茶，加点牛奶。真系天作之合。一边听歌，一边享受奶茶。每当五六日都有live band,平日工作既市区生活真系好累，假日最岩带咪一班朋友仔或情侣黎享受呢间餐厅啦，真系无介绍错，一定要黎试下。